مملكة أحفاد الطوبجي الجزء الثالث حصري أميرة اسامة

يجي علي بباه ويزعله
بيحاول ديما يرضي الاتنين وكأنه هو المسؤول عنهم مش العكس لما حكي قبل كده عن زعله من روبي ي حكايه جوازها الكتير عشان تضايق بباه كان زعلان بجد ولما اتكلم معانا كان جواه ۏجع كبير جدا منها بس في نفس الوقت غمره ما زعلها او قالها كلمه حلوه.
هشام في مميزات كتير اوي ويمكن اكبر واهم ميزه بالنسبالي هي علاقته بماماه وبباه يعني اللي يمر مع اهله بظروف شبه دي ويفضل متماسك و بيحاول انه يرضيهم بيتهألي نقدر نثق فيه اوي نحترمه ونحس معاه بالامان
زهره....بابتسامة كبرتي جنه عارفه يا جنه من وانتي صغيره عمري ما شكيت لحظه في تفكيرك ديما كنت بشوفك اكبر من سنك ديما ثقتي فيكي ملهاش حدود عشان واثقه في كل اختياراتك وعشان كده عمري ما فكرت اني ادور وراكي بصفتي ام زي ما كتير من الامهات بيعملوا.
جنه....مقدرش اعمل حاجه من وراكي انتي او بابي لان بإختصار محدش فيكم عمره كان عامل لوود عليا ولا حد فيكم حسسني انه بيشك فيا ديما كنا صحاب وحتي لما كنت بغلط عمر ما حد فيكم عاقبني كل مره كنتوا بتفهموني غلطي بهدوء عشان كده مستحيل اخون ثقتكم فيا 
واي نصيحه بتقولوها ليا بنفذها من غير
تفكير لان واثقه انكم شايفين احسن مني مش مجرد تحكيم رأي وخلاص.
زهره.....وعشان كده انا بقولك اني واثقه في اختيارك هشام شاب جميل انا بحبه جدا وبابي كمان بيحبه وبيتعامل معاه علي انه صاحبه علي فكره قاسم عارف ان في حاجه من ناحيتكم لبعض وزي ما قولتي هو رخم عليكي قبل كده وكان بينكشك لانه حاسس ومعني. انه معترضش يبقي هو واثق في هشام بصي انا مش هقولك اي نصايح ولا هقول كلام وخلاص
كل اللي هقوله اتبسطي وعيشي حياتك بالاصول اللي ربناكي عليها حبي و اتحبي وافرحي انتي وهشام لايقين علي بعض
يمكن كل الميزات اللي قولتيها فيه دي انا نفسي حساها اللي يشيل مسؤولية والده ووالدته ويحاول ديما يرضي الطرفين حتي وهما بيعملوا تصرفات تضايقه يبقي ابن حلال وابن اصول وشخص زي ده يتأمن ليه
نصيحتي الوحيده اللي هقولهالك
لو متأكده من مشاعرك تجاهه كملي لكن لو حاسه انها مجرد حلاوة بدايات يبقي بلاش عشان مش عيزاكي تنسي اهم حاجه في علاقتك بهشام.
وهي انه صاحب جلال وامير لو حصل بينك وبينه اي حاجه مهما كان صحوبيتهم لبعض اكيد هتتهز لو حصل بينكم زعل وانا مش عايزه ده يحصل لان العلاقه اللي بين الصحاب لو دخل فيها الحب اوقات بتبوظ ودي اصعب حاجه في الدنيا
كمان مش حابه انك تغلطي ابدا سواء مع هشام او مع غيره متنسيش ان عمامك كلهم شباب ودمهم حامي في النهايه انتي دمهم فهماني يا جنه.
جنه....بحب ماقلقيش يا مامي انا عمري ما هخلي عمامي عينهم تنزل الارض بسببي حتي جلال اه احنا سننا قريب من بعض بنهزر و بنبهدل بعض بس كمان عمري ما نسيت انه ليه كامل الاحترام عندي وبقدر افصل تماما بين سننا وقربتا من بعض وبين انه في النهايه يبقي عمي وشاب زي ماقولتي يعني مقدرش اخليه يتحرج بسببي قدام صحابه ولا اقدر اكون سبب في انهم يخسروا بعض عشاني
زهره.....ربنا يكملك بعقلك يا عمري غير كده بقي انا معنديش اي نصايح خالص اتبسطي. عيشي حياتك بس بردوا لو حبيبتي تحكي حاجه كده ولا كده انا موجوده.
جنه....اكيد يا مامي ربنا يخليكي ليا المهم طمنيني بقي عملتي ايه في الجلسه انهارده.
زهره....كان يوم جميل يمكن اتأثرت فيه بكام حكايه للحالات اللي معانا بس يعني علي قد ما هي كلها حكايات مؤثره لكن انا شايفه ان تأثيرها الاقوي تأثير الروح بجد بنات جميله عندهم طاقه وقوه يمكن انا نفسي حسيت اني اتعلمت منهم حجات كتير واليوم خلص بطريقه اجمل اتفاجئت بفريده جاتلي حسيت اني مبسوطه اوي وهي جنبي كمان اتفقت مع الدكتور انها تعمل يوم ترفيهي لكل الحالات هتجيب التيم بتاعها كله الجلسه الجايه وتعملهم شعرهم وميك اب وكل حاجه تبسطهم.
جنه...فريده دي جميله بجد اوي 
انا بمۏت فيها عندها كميه حب بجد متتوصفش عارفه يا مامي بتفكرني بمين
زهره....بإبتسامه بروح صح
جنه....بالظبط والله لما بشوفها بحس اني شايفه روح
زهره.....هي دي فريده طول عمرها كده المهم بعدها وصلتها لانها مكانتش رايحه الشغل بعربيتها وصممت اني ادخل عملتي شعري والميك ال ده ايه رأيك
جنه....قمر طبعا تجنني انا بفكر اخليها تعملي الميك اب في عيد ميلادي ده لو صبا ما ولدتش طبعا وبوظتلنا اليوم
زهره....بضحك طب والله ياريت هيبقي يوم جميل وبردوا فريده تعملكم الميك اب حتي لو تاني يوم.
جنه....ان شاء الله عموما هنشوف الدكتور هيقولها ايه وهبقي اقول لفريده او قوليلها انتي عشان متحرجش منها
زهره....تتحرجي ليه فريده بتحبك وعمرها ما هتقول لا حتي لو عندها الف معاد في اليوم ده ومشغوله هتظبط معاد وتجيلك.
جنه.....خلاص اتفقنا
زهره.....يلا تعالي ننزل نشوفهم ولا هتكملي مكالمه.
جنه....بضحكه جميله اااا طيب انزلي وهاجي وراكي.
زهره....بضحك غمزتلها ماشي سلميلي عليه.
جنه....حاضر 
خرجت زهره ونزلت وسابتها.
................
نزلت ميار بعد ما لبست وجهزت نفسها جات تركب عربيتها لاقيت البطاريه واقفه فا طلبت اوبر ومشيت واتصلت علي نور.
ميار.....الوووو
نور....هااااا نزلتي
ميار.....بزعل اه بس خدت اوبر
نور....ليه عربيتك مالها.
ميار....مش عارفه جيت اشغلها مش راضي بس تقريبا البطاريه فيها حاجه هي كانت كويسه اصلا
نور....طيب كويس انها باظت قبل ما تتحركي بيها المهم انتي فين الوقت.
ميار....انا لسه في العربيه موصلتش انت خلصت مشاويرك.
نور....اه خلصت خلاص
ميار.....هتروح ولا
وراك حاجه تاني
نور....لا هروح خلصت ومعاكي اي وقت تحتاجيني
ميار.....طيب خلاص اقفل الوقت عشان تركز في السواقه وانا لما هوصل هكلمك قبل ما ادخل عشان تبقي معايا.
نور....ماشي يا ستي
ميار.....علي فكره بعتلك اللوكيشن اللي هو بعتهولي بتاع المكان.
نور.....بضحك اه شوفته انتي خاېفه يخطفك ولا ايه.
ميار....بضحك لا مش كده بس اصلا انا وملك كنا متعودين علي كده اي وقت ننزل من البيت نعرف بعض احنا هنبقي فين عشان يعني لو لا قدر الله حصل حاجه فا طبعا ملك متعرفش فا بعتلك انت
نور....ماشي يا ستي اتفقنا.
ميار....يلا لما اوصل هكلمك.
نور....لو عيزاني معاكي عالخط تمام انا فاضي.
ميار....لا عشان تعرف تسوق
نور....خلاص اول ما توصلي كلميني
ميار....اوك يلا باي يا مسيو
نور.....باي يا تلميذتي
...............................
وصل الشباب علي القصر وحكالهم مراد وزيد علي اللي حصل وهي خلود نايمه علي ايد روح.
زيد.....بس ومضت استقالتها وغارت في داهيه
راجح......طيب انت متأكد انها مش هتحاول تأذيها تاني يعني بعد اللي انت عملته ده ممكن ڠضبها يزيد اكتر
زيد.....لا متقلقش مستحيل بعد اللي قولتهولها ترجع
مريم......انا قولتلك اول مره سبيني عليها اروقهالك انتي اللي مرضتيش انا عارفه كل قاذوراتها وسيديهاتها كلها عندي كانت بتحاول تتقرب من عزيز بس هو صدها.
بصلها نادر بطرف عينه وسكت 
حس بالغيره لمجرد انها ذكرت اسمه.
روح.....حست بنادر فا حبت تغير الكلام بسرعه طيب المهم الوقت خلود كوبسه اطمنتوا عليها يا يوسف.
يوسف.....كويسه والله اهي قدامك هي بس لسه مدروخه شويه الدكتور قال كام ساعه وهتبقي احسن يكون مفعول المخدر خلص
روح....خلود انتي كويسه يا روحي.
خلود....انا بخير