مملكة أحفاد الطوبجي الجزء الثالث حصري أميرة اسامة

حد وهي كويسه ولو عالڤديو ماشي سلمه ده كان مجرد مقلب.
زيد....تمام و حالا هيطلع تقرير بعينه المخدر اللي اتحط لخلود ونسبة تركيزه ومتنسيش انها حامل يعني انتي مش بټأذي روح واحده دول روحين ويكون في علمك انا مش باخد رأيك انا بقولك اللي هيحصل انا مش همشي خطوه واحده من هنا غير وانتي ماشيه قبلي بس من غير رجوع.
هنادي....يعني ايه هتجبرني اسيب شغلي.
زيد.....لا ليكي حريه الاختيار انا راجل ديمقراطي بس في الحالتين لازم تعرفي انك نش هتكملي هنا لحظه فا ياتختاري اول اختيار وتخرجي من هنا بكرامتك وهيفضل الڤديو ده معايا عشان لو فكرتي بس انك تأذيها تاني اوديكي في ستين داهيه يا اما تختاري الاختيار التاني وتكملي وانا هطلع من هنا عالنيابه وبردوا هوديكي في ستين داهيه بس انتي خسرانه كل حاجه غير بقي التشهير بيكي وانتي عارفه فضايح الميديا والناس ما بتصدق تزود كلام ملهوش مصدر غير الكلام اللي عندي اللي هصرح بيه زي مثلا عزيز خطاب فكراااااااه
بصتله هنادي پصدمه وبلعت ريقها پخوف وهزت راسها بسرعه وراء بعض.
زيد....بإبتسامه تصر بصلها في عينها شاطره يلا بقي يا حلوه قومي خلصي ورقك ومشوفش وشك لا قصد ولا صدفه وافتكري وشي ده كويس عشان لو لمحتيه من بعيد تحاولي تبعدي عنه قبل ما يلمحك.
خرج منها نفس طويل وهي قلبها بيدق وعرفت ان هي كده حفرت قپرها بايدها مع زيد الطوبجي والمشكله مبقتش في خلود المشكله بقت اكبر تشهير وسمعه وفضايح فا قررت تمشي في صمت وتبعد عن خلود نهائيا
قامت هنادي مع ادهم مضت استقالتها وخلصوا كل مستحقاتها ومشيت فورا من الاستديو.
ادهم.....كده انا براءه يا زيد باشا
زيد.....براءه واسف لو اتكلمت بطريقه مش حلوه بس اعذرني
ادهم ....انا مش زعلان منك واكيد مقدر جدا
مراد.....حبيبي يا ادهم هو ده العشم متزعلش علي الدوشه اللي عملناها بس ڠصب عننا والله
ادهم....حصل خير المهم الوقت مدام خلود كويسه.
مراد.....يوسف ابن اخويا وجوزها معاها وان شاء الله خير
ادهم....طيب ياريت تبقي تطمني عن حالتها
مراد....تمام هطمنك متقلقش
زيد.....ياريت متمشيش الشاب بتاع البوفيه هو ملهوش ذنب هي اللي أستغلته.
ادهم....اطمن بس لازم قرصة ودن عشان ميفكرش يكررها مره تانيه حتي لو الموضوع هزار الهزار ليه حدود.
مراد....عندك حق وحصل خير الحمد لله انها جت علي قد كده يلا نستأذنك بقي احنا عطلناك بما فيه الكفايه.
ادهم....متقولش كده يا باشا انت كنت واحشني والله.
مراد....حبيبي يا ادهم تسلم يارب ان شاء الله لينا قاعده تانيه مع بعض بس تكون قاعده رايقه
ادهم.....وانا في انتظارك يا حبيبي.
مراد.....يلا سلام عليكم
زيد.....سلام يا مستر ادهم.
ادهم...مع الف سلامه يا زيد باشا نورتوا الدنيا.
..................
خرج مراد واتصل علي يوسف
مراد....ايوه يا يوسف طمني علي خلود
يوسف....احنا لسه خارجين من المستشفي اهو الحمد لله هي كويسه
مراد....طيب و البيبي 
يوسف.....الحمد لله عدت علي خير يا مراد البيبي كويس وهي كويسه نسبة المخدر مكانتش عاليه هي مشربتش العصير كله المهم طمني عملتوا ايه.
مراد....لا لما نروح بقي نحكيلك بس اطمن زيد قلب الدنيا
زيد....بإبتسامه قوله الواطي اللي كان فاكرني مش هجيب حقها.
يوسف.....بإبتسامه سامعه وقوله بردوا زعلان.
مراد....بيقولك بردوا زعلان.
زيد....قوله يتفلق عشان بعد كده يسمع كلمتي من اول مره وميحرقش كتير.
يوسف....بضحك ماشي ياعم طلعت انا الغلطان في الاخر عموما حنا مروحين عالقصر انتوا راجعين عالشركه ولا ايه.
مراد....لا ميتهيأليش انت راجع الشركه يا زيد.
زيد....لا خلاص هروح الساعه سبعه وبنت الجزمه دي قفلتني
مراد....خلاص احنا مروحين نتقابل في البيت.
يوسف....تمام يا حبيبي يلا سلام.
مراد....سلام.
................
اتصل هشام علي جنه كانت قاعده في اوضتها.
جنه.....الوووو
هشام.....والله عيب كده بقي
جنه....بإبتسامه في ايه
هشام....يعني لو متصلتش واتشغلت شويه متتصليش ولا حتي تبعتي ماسدچ
جنه.....لا والله مش كده انا بس قاعده في الاوضه
هشام....انتي نايمه ولا ايه
جنه....لا مش نايمه بس زهقانه
هشام.....من ايه بس مالك
جنه....لا مفيش والله بس من بدري وانا لوحدي وكلهم في الشغل زهق عادي يعني بفكر اخرج بس بردوا مش عايزه اخرج لوحدي.
هشام.....طيب ايه رأيك نتفق مع الشباب كده ونخرج كلنا.
جنه....ياريت والله احسن انا زهقانه جدا بس هما مش هيرضوا اكيد راجعين تعبانين من الشغل وامبارح راجعين من سفر واحنا مش متفقين فا مظنش هيوافقوا.
هشام....طيب حتي لو مخرجوش
انهارده ايه رأيك نخرج بكره واهو يكونوا عارفين ومجهزين نفسهم.
جنه....ماشي مش مشكله المهم نخرج انا كده كده بردوا مش عامله حسابي عشان عارفه انهم مش هيخرجوا.
هشام....طيب خلاص سبيها عليا وانا هظبط خروجه حلوه بكره تحبي تروحي مكان معين.
جنه.....بإبتسامه امممم بص هو انا نفسي اروح مكان مش روحته قبل كده ولا مره وكل مره اقولهم نروح يقولوا طيب ويغيروا علي اخر لحظه.
هشام....طيب قوليلي ايه هو وانا هوديكي.
جنه....نفسي اطلع المقطم اوي.
هشام.....مروحتيش قبل كده.
جنه....لا عمري ما روحت
هشام....بس كده عيوني هوديكي مكان يجنن هناك تبقي قاعده وشايفه مصر كلها.
جنه.....بس هما مش هيرضوا وهيروحوا نفس المكان بتاع كل مره.
هشام.....سيبك منهم مش انتي عايزه تروحي
جنه....بسعاده اممم
هشام....خلاص يبقي هيوافقوا ڠصب عنهم
ضحكت جنه واتحرجت
هشام.....وحشتيني علي فكره.
جنه....ااا ايه
هشام....بضحك ايه مسمعتيش طيب نقول تاني وحشتيني
جنه....ابتسمت وسكتت
هشام....لا ما انا مش هغير الكلام غير لما اسمع اني وحشتك يا اما مفيش مقطم بكره ولا في خروج اصلا
جنه.....بضحك انت قلاب كده ليه خلاص يا سيدي و انت كمان وحشتني.
هشام....لازم العين الحمراء. الټهديد ما كان من الاول.
جنه....خلاص قلبك ابيض بقي
خبطت زهره عليها وفتحت الباب حست جنه انها زي الاطفال وعامله عامله
زهره......بإبتسامه انتي بتتكلمي خلاص هجيلك تاني اما تخلصي.
جنه....ااا لا تعالي يا مامي انا خلصت خلاص كلمته بهمس هكلمك تاني.
هشام....بإبتسامه باي يا خوافه.
جنه....بهمس باي.
قفلت الموبايل وبسرعه سابته من ايدها وبصت لزهره بإبتسامه توتر
جنه....اقعدي يا مامي.
زهره....بإبتسامه رفعت حاجبها امممم الناس اللي اتوترت و اتلغبطتت و وشها جاب مېت لون دي كانت بتكلم مين.
جنه.....ااا انا ااا لا اصل
زهره....بضحكه جميله ايه في ايه مالك بتكلمي هشام صح
هزت جنه راسها بكسوف.
زهره....طيب قولي بكلم هشام ليه اللغبطه دي كلها قوليلي بقي عامل معاكي ايه حاسه كده ان في تطورات و شيفاكي مبسوطه.
جنه....ااا بصراحه ابوه مبسوطه
زهره....طب ايه مش عايزه تحكيلي حاجه
جنه....بإبتسامه هو بصراحه عايزه بس مش عارفه
زهره....ليه مش عارفه مكسوفه مني
جنه.....بضحكه إحراج يمكن شويه مش اوي يعني.
زهره....بس احنا طول عمرنا اصحاب وبنحكي لبعض كل حاجه ومفيش بينا كسوف صح ولا ايه.
جنه....اكيد يا مامي
زهره....بحماس طيب يلا احكي انا سامعه طلعت زهره رجليها وربعتها ومسكت ايد جنه
ابتسمت جنه ومسكت ايدها اوي.
جنه.....بصي هو انا عارفه ان حضرتك وبابي كنتوا عارفين حتي بابي حاول يهزر معايا مره لما كلنا كنا متجمعين يمكن وقتها كنت حاسه ان في حاجه حلوه جوايا بس مكنتش لسه متأكده اوي من شعور هشام برغم ان كل تصرفاته كانت واضحه بس مكانش في بينا كلام صريح.
هو بصراحه اتكلم معايا وانا واثقه من إعجابه يمكن هو اكتر من إعجاب شويه بس خليني الاول اقول انه إعجاب هشام حد كويس اوي محترم ومؤدب وفي نفس الوقت روش دمه خفيف
اكتر حاجه بتعجبني فيه انه بجد راجل اوي يمكن سنه مش كبير بس اوقات بحس انه اكبر من سنه يعني متحمل مسؤوليه طنط رباب وفي نفس الوقت مبيقدرش