مملكة أحفاد الطوبجي الجزء الثالث حصري أميرة اسامة

والله ياروح متقلقيش يا حبيبتي
روح ...طيب تيجي تطلعي ترتاحي فوق
خلود....لا لا خليني شويه هنا وسطكم كده لو طلعت هنام علي فكره يا زيد الدكتور بيقولي ان اللبانه هي اللي ساعدتني عشان افوق شويه.
زيد....بإبتسامه انال ايه فكراني بقولك كلام وخلاص قديم انا بردوا في شغل العصاپات ده.
قاسم....انت قولتلها تاكل لبان.
زيد....اه عشان الفك يتحرك وعقلها ميغيبش
روح....يلا الحمد لله علي كل حال المهم انها بخير.
صبا.....لولو حبيبه قلبي فوق كده مش متعوده اشوفك بالشكل ده 
خلود....بإبتسامه طبطبت علي ايدها انا بخير يا صباصيبو
ليلي....طيب بقولك ايه ما تطلعي تاخدي شاور يفوقك كده وانزلي تعالي اقعدي وسطنا ايه رأيك.
زهره....اه احسن بردوا هتفوقي اكتر ونخرج نقعد في الجنينه الهواء جميل.
ليلي....يلا قومي تعالي وانا هاجي معاكي
خلود...طيب هقوم احسن بردوا انا حرانه.
ليلي....طيب ايه اجي معاكي ولا هتعرفي تقفي لوحدك
خلود...لا لا خليكي انا كويسه والله هو احساس بالنوم مش اكتر
روح....تعالي يلا انا هطلع معاكي يلا قومي.
خلود....حاضر يلا.
خرج نادر علي الجنينه يشرب سجاير كان باين عليه انه قلب
خرجت وراه مريم بهدوء مدت ايدها بهدوء علي ضهره خبطت عليه خبطتين.
لف نادر وشه ليها بصلها وبعدين رجع بص قدامه وهو بيسحب نفس طويل.
قربت منه مريم و وقفت قدامه مبصلهاش مسكت خده ولفت وشه ليها عشان يبصلها.
مريم.....نادر
نادر....بتنهيده وهو بيعض علي شفايفه ايوه.
مريم.....مالك
نادر.....مالي ما انا كويس اهو
مريم....لا مش كويس انت مش شايف وشك قلب مره واحده ازاي نادر انت اضايقت لما قولت اسم عزيز.
بصلها نادر پغضب ومردش سحب نفس طويل من السېجاره ونفخه بعيد.
مريم.....رد عليا يا نادر في ايه
نادر....مفيش يا مريم انا زي الفل وياريت تسيبيني شويه لوحدي.
مريم....لا مش هسيبك يا نادر وهترد عليا وكلمني زي ما بكلمك.
نادر....پغضب بسيط عايزه ايه يا مريم ما تبطلي زن بقي.
مريم.....انا زنانه
نادر....مررررريم انا جاي من الشغل مش شايف فا بلاش تعصبيني وترجعي تزعلي سبيني شويه من فضلك
مريم....لا مش هسيبك واه هبقي زنانه لحد ما اعرف ايه اللي زعلك انا مقولتش حاجه تزعلك يعني
نادر....پغضب مسك كف ايدها لا قولتي و الواطي ده بمجرد ما ماټ اسمه ماټ معاه ويكون في علمك انا كنت عارف من زيد حوار هنادي دي من فتره وهو كان حاكي لاكل. عرفت منه انك كنتي قيلاله عن وساختها مع عزيز وبيتهيألي انا مجتش فتحت الحوار معاكي ولا زعلت لان عادي كانت مجرد معلومه قولتيها لزيد عشان يستغلها ضد هنادي وانهارده انا واثق ان زيد لما قتل للباشا انها مش هتأذي خلود عشان الكلام اللي قاله كنت واثق انه يقصد علاقتها بعزيز بس الفرق بقي ان اخويا محبش يذكر اسمه قدامي احتراما لمشاعري بس انتي تسكتي لا تطلعي
مره واحده وسط الكل وتقولي انا عارفه كل حاجه عنها وعن علاقتها بعزيز ومفيش اي احترام لمشاعري قدام الكل
مريم....نادر والله ما كنت اقصد ولا كنت عارفه انك ممكن تزعل انا اتكلمت عادي يعني مكنتش قاصده اني اجيب سيرته وبعدين انا كنت بقول علي اللي هي بتعمله يعني انا مكنتش بحب في عزيز.
نادر....پغضب مررررريم.
اتنفضت مريم من صوته
نادر.....خدي بالك من كلامك عشان انتي بدأتي تخرفي ومتنسيش انك بتكلمي جوزك وحتي لو بتقوليها بصيغه تريقه فا هي مش مقبوله بالنسبالي تحبي فيه و تتغزلي فيه الكلام ده مش مقبول عندي
مريم....بدموع انت اكتر حد عارف انا بكرهه البني ادم ده قد ايه وعارف اني اتأذيت علي ايده كتير.
نادر......حتي لو عارف اسمه ميجيش علي لسانك وتريقتك في انك بتحبيه او بټموتي فيه متحصلش مره تانيه مفهووووم.
مسحت مريم دموعها وبسرعه مشيت من قدامه راحت علي الجنينه الخلفيه للقصر
لمحتها داده زينب من بعيد وراحت وراها كانت مڼهاره من العياط اول ما قعدت جنبها شدتها بين اديها وفضلت ټعيط.
زينب.....بس يا حبيبتي اهدي
مريم....انا مغلطتش يا داده وكنت بتكلم بهزار ومعرفش انه هيقلب بالشكل ده اصلا نادر اول مره يتكلم معايا بالشكل ده
زينب....بإبتسامه رفعتها و مسحت دموعها عشان بيحبك يا مريم بيحبك اوي كمان
مريم.....طيب ما انا بحبه اوي وعمري ما زعلته ولا اتكلمت معاه بالطريقه دي.
زينب.....عشان يا بنتي الراجل عمره ما غلط معاكي ولا زعلك فا اكيد مش هتزعليه.
مريم....يعني هو انا اللي غلطت معاه يا داده.
زينب....طيب نتكلم بالعقل شويه اه غلطتي يا مريم يا حبيبتي الراجل مهما كان طيب و بيهزر وروحه حلوه مع الست ومبيحبش يزعلها بمجرد ما يسمعها بتجيب سيرة راجل تاني بيتجنن ما بالك بقي براجل كنتي علي زمته.
مريم....يا داده هو انا كنت بحب فيه وبعدين ده مېت هيغير من واحد مېت
زينب...اه يا مريم هيغير من واحد مېت الراجل اللي بيحب بجد يا بنتي مبيميزش ولا بيفرق معاه هو مېت ولا حي وهو مجرد ما يحس انك جيبتي سيرته بيتخيل انه جه علي بالك وبيجن جنانه.
مريم.....بس يا داده عزيز مكانش راجل عادي نادر اكتر واحد عارف هو ازاي أذاني ودمرني يعني يوم ما هيجي علي بالي هيجي وانا بكرهه
زينب....عارفه يا حبيبتي بس كمان دي دماغ الرجاله عقلهم يا حبيبتي عامل زي الاطفال ومهما بررتي نيتك مش هيستوعبوا و هيسيب كل حاجه وهيمسك في انك ذكرتي اسمه وخدي بالك انتي مش اول مره تعمليها وتلغبطي في الكلام
مريم....انا ليه انا قولت ايه
زينب......بصي يا مريم انتي طيبه وعلي نياتك بس مشكلتك انك مش بتعرفي تستوعبي الكلام قبل ما يخرج من لسانك يعني في مره كنتوا قاعدين انتي والبنات بعد موضوع الحاډثه بتاعت زيد باشا ومنذر باشا واللي عمله فيهم اخو طارق وجات سيره عزيز قعدتي تهزري انتي والبنات وقولتي انه كان بيحبك ويتمنالك الرضا انا وقتها بصيت علي نادر كان مش علي بعضه وغضبه كان عاميه ولولا انه كمل قعدته مع الشباب كان زعل منك بجد نادر يا حبيبتي بيحبك وبيعديلك بس البني ادم طاقه وهو الوقت بعد الموقف ده طاقته خلصت يمكن متكونيش قولتي حاجه كبيره او قويه توجعه بس احنا البشر كده بنيجي علي ابسط سبب وننفجر وهو اڼفجر وبعدين خدي بالك انتي لو مكنتيش خرجتي وراه كان وقف شويه مع نفسه وبعدين دخل ولا كأن في حاجه حصلت بس انتي اللي ضغطتي عليه
مريم....انا كنت بشوفه لاني حسيت انه زعل ومهانش عليا ازعله بس متوقعتش انه يطلع فيا بالشكل ده.
زينب.....طلع فيكي عشان بيحبك قولتلك
وقفت مريم وهي بټعيط جامد
مريم......بردوا هتقوليلي عشان بيحبك طيب ما انا بحبه كان ممكن يقولي كل اللي قاله ده من غير ما يتعصب كان ممكن يقولي يا مريم من فضلك بلاش تجيبي سيرته مره تانيه لا بجد ولا بهزار عشان بضايق كنت هحترم رغبته ومش هكررها تاني لاني اصلا مكانش قصدي بس هو معملش كده.
زينب......يا مريم مشكلتك انه حتي لو قالك بيجي عليكي وقت وبتنسي اصلا لانك علي طبيعتك وهترجعي تعملي اللي قالك عليه لا .
مريم....تمام وادام انا علي طبيعتي وبنسي وبقول كلام مش قصداه
تفتكري يعني لما اتعصب واتكلم بالطريقه دي انا هخلي بالي عشان مغلطتش ويرجع يتعصب تاني يا داده انا بتكلم وبقول اللب جوايا