نبضات هادئة بقلم ياسمين هجرس

انهت كلمتها بغمزة من طرف عينيها تحثه عل الابتسام على ذكر صفاه..
رد عليه أحمد قائلا بحماس 
قوم يلا أتوضى عشان نصلي الفجر جماعه وقبل أن يجيبوا..
انضم اليهم يعقوب قائلا بمرح 
وأنت يرضيك يا معالي المستشار تحرموني من ثواب صلاه الجماعه لا أنا كده ارفع عليكم قضيه للنائب العام .
دلف فى عاقبيه راكان فكعادته استيقظ لصلاة الفجر ليهبط ل ركن الصلاه بالفيلا ليرى يعقوب يدلف غرفة أخيه ليستغرب من تعالى الأصوات بالداخل فى هذا التوقيت ولج هو الآخر يستطلع الأمر 
لتتعالى ضحكاته لاستماعه لحديث يعقوب ليقبض على كتفه يبادله المشاكسه قائلا 
لا عاش ولا كان اللي يرفع قضيه على معالي المستشار.
ابتسمت أبرار قائله 
ما شاء الله إيه إللي مصحيكم كده دلوقتي.
جثى ركان على ركبتيه تحت اقدامها قائلا 
أنا كنت رايح أصلي في ركن الصلاه إللي معالى المستشار عمله لينا عشان نصلى فيه جماعه.. يمكن الاقى حد صاحى ونصلى سوا وناخد ثواب الجماعه.. سمعت صوتكم هنا قلت أجي اطمن أنكم بخير..
تطلعت ل أحمد تجوب النظر بين ابنائها مردفه بسعاده 
الحمد لله اني قدرت اربيكم على الصلاه ان شاء الله ندخل بيكم الجنه أنا وأبوكم.
استقام احمد قائلا 
أنا خلاص رايح أتوضى يلا كلكم حصلوني وصحو وتين عشان تصلي معنا..
صدح صوتها في المكان قائله بمرح 
وابن الحلال على ذكره بيبان.
صباح الخير والسعاده عليكم كلكم اقتربت من والدها حانيه على جبينه وضمت والدتها هاتفه بحنين 
الله احنا بقى لنا كتير كده ما تجمعناش زي زمان.
استقامت أبرار وجذبت يونس ليعتدل بوقفته وهتفت بحماس 
يلا روحي البسي إيسدالك عشان نصلي كلنا.. عقبال ما يونس وأبوكى يتوضوا أنا الحمد لله على وضوى..
ابتسمت بخجل وهي تنظر إلى زوجها وأخوتها ووالدها لتطأطأ راسها والحمره تكسى وجهها قائله 
أنا هعمل لكم الشاي بحليب لحد ما تخلصوا صلاه لأني مش هقدر أصلي معاك
أمشى دالوقت وأنتى بقيتى شبه الفراوله.. شكلك عايز يتاكل ياغزاله.. 
ارتجفت اوصالها لترجع برأسها للخلف تحدق به پصدمه من كلماته فى ظل هذا التجمع لتفر هاربه..
مالها وتين ياراكان طلعت تجرى كده ليه
حك رأسه من الخلف ليغمز لها بشقاوه هاتفا 
راحت تعمل الشاى بحليب
لم تمر كلمته عليها لتهتف بسخريه 
ماشى ياقلب أمك هعديها عشان خاطر الغزاله..
ليضع يده على فهمه يمثل الدهشه فهى قريبه منهم فمن الممكن أن تكون استمعت لهم 
أوبسسسس أبرار هانم هتقلش عليا 
قطع حديثهم الجانبى دلوف أحمد و يونس بعد وضوئهم ليهم أحمد يحثهم على الصلاه مردفا 
يلا بينا كلنا عشان نصلي هبط الجميع ليقف أحمد فى المقدمه يأمهم فى خشوع.. والأبناء تراصو خلفه يقفوا متساويين كأسنان المشط.. وورائهم أبرار التى تتمعن النظر بسعاده فى وقفتهم وهامتهم المنحنيه فى طاعة الله.. أقاموا الصلاه وحين انتهوا من قضاء فرضهم جلسوا كلا فى زاويه يسبحو لله حامدين الله على نعمه راجيينه أن يكشف الغمه ويفك الكرب ..
قطع صمت الخلوه دخول وتين هاتفه 
أنا عملت الشاى بحليب ومستنياكم فى living room غرفة المعيشه
جلست تنتظرهم تمسك المج الخاص بها تدفئ كفها وباليد الأخرى تقطم قطعه من الباتون ساليه
بعد قليل انضم اليها الجميع كل منهم اخذ كوبه يرتشف منه باستمتاع..
ابتسم لها يونس يناغشها بشقاوة الاخوات قائلا 
تسلم إيدك على الشاي بلبن.. بس إحنا
عايزين نقول لجوزك إنك مبتعرفيش تعملي حاجه غير الشاي باللبن.. بدل ما يقول ان إحنا غشيناه ويرجعك لينا تاني واحنا هنكون مصدقنا تسيبي البيت.. أووم إيه تروحى تيجي تعيشي معانا من تانى تقرفينا.
تطلع له ركان بتحذير قائلا 
ملكش دعوه يلا بمراتي أنا بحذرك أهوو.. وبعدين أنا راضي هفطر واتغدى واتعشى شاي بلبن لحد ما يبقى لوني اوف وايت.
بصق يونس ما بفهمه بعد ضحكه على مزحة راكان .. لتتعالى الضحكات ..
عبس وجهها وقلبت فمها مثل الأطفال وهي تنظر الى والدها قائله 
عجبك كده يا بابا بيتريقوا عليا..
رد عليها احمد قائلا بمهدنه 
لا يا قلب بابا وأنا ما يهونش عليا انهم يتريقوا عليك.. عشان كده أنا هجيب لك بقره هديه عشان راكان جوزك يشرب لبن فريش وما يتعبش من المبستر والمواد الحافظه..
اڼفجر الجميع بالقهقهات ليختل توازن الأكواب فى أيديهم ليضعوها على المنضده 
بينما وتين نزلت عليها مهدنة والدها ليستيلثما وجهها بابتسامه بلهاء قائله 
هو أنا شكلي كده هبقى نكته القعده ولا أيه.. مقلكوش أنا طالعه أنام تصبحوا على