نبضات هادئة بقلم ياسمين هجرس

يا رسول الله .
ظلوا يسيرون حتى وصلوا الى المسجد الكبير وجدوا الحاج محمد وجلال يجلسون في المسجد يستمعون الى الخطبه جلس احمد والشباب جوارهم 
.
مر الوقت سريعا وقضوا فرضهم.. وغادروا جميعهم المسجد.. كان الشباب يسيرون خلفهم وفي المقدمه الحاج محمد الذي يتباطا بزراع جلال قائلا 
تقبل الله منك يا احمد يابنى 
رد عليه أحمد بابتسامة هادئه .
جمعا إن شاء الله يا حاج محمد 
وأكمل حديثه يشكره علي تفكيره في جمع شمل العائلتين لكي يسعد راكان 
طبعا يا حاج محمد أي كلام مش هيوفيك حقك علي إللي بتعمله مع العيلتن.. 
أنا راكان بلغني باللي حضرتك عملته وقبل أن يرد عليه الحاج محمد كان قد حول نظره الى جلال 
وأكمل حديثة 
ان شاء الله هنتظر منكم ميعاد اجي اتكلم معاكم فيه بخصوص الجهاز.
نظر جلال إلى والده في اندهاش هم مقررين أن يجهزوا كل شئ وقبل أن يتحدث جلال رد الحاج محمد على احمد 
أنت البيت بيتك وخلاص انتوا بقيتوا مننا ليه تاخد ميعاد أنتم معزومين على الغداء النهارده والجماعه كلهم
وتجمدت نظراته علي يونس هاتفا 
هستناك يا يونس على الغداء النهارده .
تلجم لسان يونس ولم يجد صوته كمن هرب منه للتو ..
شعر راكان بالصدمة من طلب جده ولاكن أراد أن يضعة أمام الأمر الواقع لعل الأمر به خير..
رد عليه بدلا عنه قائلا 
ان شاء الله يا جدي هيجوا كلهم يتغدوا معانا..
واستكمل موضحا 
أنا مرتب مع البنات وماما كريمه أنهم هيعملوا مشاوي النهارده وهنتغدى كلنا مع بعض..
كان يونس ينظر إليهم بتوتر ثم قرر أن يرفض هذا الغداء.
رد عليه باندفاع قائلا 
معلش اعفيني أنا من الغداء ده لأن فعلا عندي مشوار مهم ولازم اروحه..
اشار له الحاج محمد أن يقترب منه 
خطي يونس بخطوات هادئه منه مجيبا 
نعم يا جدى .
سحب الحاج محمد زراعه من زراع جلال وعلقھ في زراع يونس وسار معه مردفا بنصح 
اسمع يا يونس أنا عارف إنك متهور ومندفع في كل تصرفاتك.. بس إللي متأكد منه أن معدنك أصيل وعشان كده أنا حريص على وجودك وسطنا و ممنوع تعترض الجواز قسمه ونصيب و اللي حصل عادي وبيحصل كثير في كل العائلات .
بلع يونس لعابه بتوتر قائلا 
صدقني يا جدي كلامك ده على راسي من فوق.. وربنا يقدرني ويجي اليوم إللي أقدر أقعد وأتكلم مع حضرتك براحتي وافهمك أنا عملت كده ليه.
شعر الحاج محمد من كلام يونس أن هناك سر يخفيه عليه فليصبر ونظر له قائلا 
هستناك أنت بالأخص يلثمم كلهم .
أومأ يونس برأسه قائلا بطاعه 
حاضر يا جدي مقدرش أرفض لحضرتك طلب رغم أن ده هيبقى صعب عليا جدا .
عقب الحاج محمد يهون عليه قائلا 
معلش كل حاجه بتبدأ صعبه وبعد كده لازم نعتاد عليها.
كانوا قد وصلوا إلى فيلا الشاذلي اقترب أحمد من الحاج محمد و جلال قائلا بترحيب 
اتفضلوا اشربوا قهوه وارتاح من الطريق يا حاج.
ابتسم
الحاج محمد بود قائلا 
ان شاء الله مره ثانيه أنا لازم اطلع ارتاح شويه بعد الصلاة بلغ ام راكان هننتظركم على الغدا .
اقترب راكان من يونس وامسك ذراع جده بدلا عنه وهو يتطلع الى والده أحمد قائلا 
أن شاء الله يا بابا هاخد يعقوب وهنروح عشان نقعد مع البنات وانا بعت رساله ل وتين تنتظرني في فيلا السيوفي وبلغتني إنها عندهم .
أومأ له احمد قائلا 
ماشي يا حبيبي وزي ما اتفقنا .
هز راكان رأسه بالموافقه وأخذ جده ووالده ويجاورهم يعقوب وذهبوا الى فيلا السيوفي.
بينما جلال طول الطريق يسير شارد صامت لم يكن معهم منذ البداية بسبب ما فعلته به كريمه .
ظل أحمد ويونس ينظرون لهم حتى اختفوا من أمامهم دلفوا الاثنين إلى الفيلا 
هتف احمد بأمر قائلا 
عاوزك تعمل جروب واتساب للتيم اللي هيساعدنا في شغلنا الفتره اللي جايه وتبلغهم أن في اجتماع في المجموعه بكره الصبح الساعه 9 00.
واعمل جروب تاتى خاص لينا عشان الاجتماعات إللي هتبقى هنا في الفيلا وبلغ راكان وتين ويعقوب وزياد أن في اجتماع النهارده الساعه 10 00 مساء هنا في الفيلا عشان نعرف احنا هنمشي ازاي الفتره اللي جايه ونحط الخطه اللي هنمشي عليها ..
واشار بيده مكملا 
تعالا معايا المكتب نفذ اللي انا قلت لك عليه.
اخرج يونس هاتفه من جيبه وبدأ بفعل ما طلبه والده