فندق محطة الرمل بقلم محمود الامين

دخلتها قبل كده 
فيها حاجات متغيرة 
وفي نص الاوضة ولد وبنت في العشرينات وواضح انها مراته عشان كان واضح من الي قدامي وطبعا مش هقدر اوضح اكتر من كده 
اكيد انتوا فهمتوا... مفيش دقيقة ولقيت باب الاوضة بيتفتح ودخل منه شاب.. نفس الشاب الي شوفته قبل كده في البلكونة 
ايوة هو.. ووشم التعبان الي علي ايده بيوضح ده وخرج مسډس وقال 
_ انتي بټخونيني انا.. انا الي عملت كل حاجه عشانك وحبيتك 
_ انت مچنون.. بخونك اي.. هو انت جوزي ولا خطيبي وانا معرفش.. انت واحد واهم نفسك على الفاضي 
وانا قولتلك قبل كده بدل المرة مليون.. انا مش بحبك 
انا مش عاوزاك فهمت ولا لسه 
_ بس انا مش هعرف اعيش من غيرك.. والله ما هعرف واذا انتي شايفة كده.. فأنا مضطر للي هعمله دلوقتي 
... 
الشاب ده وجه المسډس ناحيتهم وداس علي الزينات 
وفي لحظة بقا في جثتين قدامي علي الارض 
مكنتش مصدق 
لكن الشاب ده جاب جركن صغير وملي الاوضة كلها بنزين 
وۏلع في الاوضة.. بس عمل حاجة غريبة جدا 
مخرجش من الاوضة ايوة.. مخرجش 
الشاب ده فضل واقف والڼار مسكت في جسمه كان پيصرخ 
وصرخات مجهولة المصدر من كل مكان في الاوضة 
صرخات مش قادر اتحملها 
والاوضة بقت حتة من جهنم 
... 
غمضت عينيا وفتحتها لقيت نفسي واقف في مكان واسع في شموع كتير 
وناس حواليا اشكالهم غريبة وكلهم علي دراعهم نفس وشم التعبان 
وبدأوا يقولوا كلام مش مفهوم.. حرارة المكان بتزيد بشكل لا يحتمل 
وفي النهاية سكتوا.. والمشهد رجع اتبدل من تاني 
ورجعت الاوضة بس المرة دي كان فيها اتنين شباب والاوضة كانت مش محروقة ولا حاجة 
وكل واحد من الشباب ماسك ورقة وبيكتب فيها كلام وبيعيط
وقاموا وكل واحد فيهم جاب حبل وربط الحبل في السقف وكل واحد فيهم علق الحبل في رقبته وهو بيقول 
مش عايز اعمل كده.. والله ما عايز اعمل كده 
وكان بيعيطوا بحړقة 
وفي لمح البصر شنقوا نفسهم....قربت من الورق والي كان مكتوب فيه انهم يأسوا من حياتهم وقرروا الاڼتحار واخيرا المشهد اتبدل للمرة الاخيرة ولقيت نفسي واقف في الاوضة ومفيش حد معايا 
وواقف لوحدي 
... 
انا الي شوفته ده فهمت منه حاجات.. ان في جرايم حصلت في الاوضة دي وعشان كده الاوضة دي اتسكنت 
لكن اي موضوع الشموع والكلام الغريب وليه الشباب دي اڼتحرت.. وكانوا بيقولوا مش عاوزين نعمل كده 
.. 
في لغز في الموضوع ده... بس انا لازم اعرفه
خرجت من الاوضة وروحت للاستاذ جورج عندي اسئلة كتير 
ومحتاج عليها اجابات.. ومش هسكت غير لما اعرف اي حكاية الاوضة دي بالظبط 
دخلت مكتب الاستاذ جورج وسألته 
_هو الي بيحصل بالظبط يا استاذ جورج.. الاوضة دي مش طبيعية انا شوفت حاجات صعبة وتقلق.. ومدير الفندق مصمم ان مفيش حاجة 
_انت مين سمحلك تتكلم معايا في موضوع زي ده.. انت مالك.. انت جاي هنا تشوف شغلك وبس 
_ لا انا شوفتهم واستنجدوا بيا 
_ هما مين دول يبني.. مين الي استنجد بيك 
_ الي ماتوا في الاوضة دي.. قبل موضوع الخواجة 
_ مفيش حاجة من الكلام ده.. مفيش حد ماټ في الاوضة قبل الچريمة دي 
انت باين عليك اعصابك تعبانه شويه 
_ لا انا بقولك شوفتهم.. والله شوفتهم 
شوفت واحد علي دراعه وشم و... 
_خلاص يبني انا مش عايز اسمع .. كفاية لحد كده واتفضل يلا شوف شغلك 
... 
خرجت من مكتبه وانا محتار.. الناس دي مخبية اي 
واي السر الي في الاوضة دي بالظبط 
ركبت الاسانسير عشان انزل الدور الارضي.. كان راكب فيه شاب 
ركبت والاسانسير بدأ ينزل بينا.. بس في لحظة افتكرت حاجه وبصيت للشاب الي جنبي.. وهنا كانت الصدمة
... 
يتبع الجزء الثالث من