فندق محطة الرمل بقلم محمود الامين
فيها
روحت علي الاوضه عشان انضفها لكن قبل ما اوصل الاوضة لقيت ولاء جاية بتقولي وكان باين عليها التوتر جدا
_ يا حسن.. سيب الاوضة دي عليا وروح انت شوف المدير عاوز منك اي
_ هيعوز مني اي.. انا لسه كنت عنده
_ ها.. اه منا عارفة بس انت لسه جاي سبلي انا نضافة الاوضة دي
_ انسة ولاء حضرتك متوترة كده ليه.. هو في اي في الاوضه عشان مش عاوزاني اروح هناك!!
_ متشكر جدا لذوقك.. بس انا هنضف الأوضة زي ما أطلب مني
...
سبتها ومشيت ناحية الأوضة ووصلت فعلا.. بس قبل ما أدخل انا لاحظت حاجة غريبة.. اوضة 508 واضح انها متفتحتش من فترة وده واضح من باب الغرفة الي شكله قديم جدا عن الباقيين
دخلت وطبعا الناس الي بتشتغل الشغلانة دي عارفة انه بيكون معايا عربية بأربع عجلات فيها كل حاجة تخص نضافة الغرفة
المهم بدأت في نضافة الاوضة وخلصت نضافة الارض وتغيير الملايات بتاعة السرير.. كانت ريحة الاوضة مكتومة وعشان كده قررت اني افتح البلكونة عشان الريحة دي
كان شاب واقف ابيض البشرة وبيشرب سجارة ومرسوم علي ايده وشم لتعبان.. واتلفتلي وابتسم
مش عارف اقولكم اي بالظبط.. مكان عينية كان تجويف اسود.. وسنانة مش عادية لا دي متفرقة عن بعضها
..
دخلت الحمام ونضفت لكن الصدمة اني بصيت في المرايا وجيت اتحرك انعاكسي ثابت متحركش بقيت اتحرك يمين وشمال يمكن يكون بيتهيألي
لكن اكتشفت انها مش تهيؤات.. والانعكاس بتاعي ابتسم ابتسامة في منتهي الخبث
..
رجعت علي الاوضة بتاعت ال keeping وانا باين عليا الخۏف والقلق.. لكن لقيت في حوار داير بين المدير وباقي الموظفين وكان الحوار الي داير ما بنهم.. تعالوا نسمع
..
_ انا هنا مدير القسم ودلوقتي في تعليمات جاية ان اوضة 508 تتفتح وتتنضف.. في جيست اجنبي جاي ومعاه مراته وابنه وعاوزين غرفة.. وللاسف مفيش غرفة فاضية
...
خرجنا انا وسامي من الاجتماع ده وسألته وقولتله
_سامي هو انتوا ليه معترضين علي فتح الاوضة دي يعني
_انا مش عايز اتكلم في الموضوع ده يا حسن بعد اذنك.. خلينا ننفذ الي اطلب مننا وربنا يسترها علينا
_ اصلي انا شوفت..
_ متحكيش حاجة مش عاوز اعرف حاجة يا حسن.. تعالي خلينا ننضف الاوضة الفقر دي ونمشي
...
سامي كان عصبي جدا بس انا كده اتأكدت ان في سر ورا الغرفة 508.. ولازم اعرفها
ووصلنا الاوضة لاحظت ان سامي بيترعش وهو ماسك المفتاح
وفتح الباب... مش قادر اوصفلكم الريحة البشعة الي في الاوضة.. ريحة عفن في المكان بطريقة صعبة
فضلت اكح مكنتش مستحمل الريحة البشعة دي
..
سامي قلي
_يلا يا حسن خلينا نخلص
_مش قادر يا سامي الريحة صعبة جدا.. انت مش شامم
_شامم بس هنعمل اي يعني.. يلا يا حسن خلينا نخلص
..
دخلنا فعلا وبدأنا ننصف الاوضة.. اخدت مننا نضافة 5 ساعات انتوا متخيلين.. وعشان اكون صريح محصلش حاجة.. خرجنا
