قائمة الأنتظار بقلم محمود الامين حصري

مصدق الحالة اللي وصلتلها مراتي.. حاجة غريبة وازاي انا كنت مخدوع في الناس دي كده 
حاولت انسي لكن النسيان صعب.. صعب جدا 
.. 
3شهور مروا بسرعة.. كنت بحاول اتأقلم على حياتي الجديدة وانسي هدي.. وفي الوقت ده قابلت سارة 
كانت بنت جميلة جدا 
ساكنة في شارع جنب عيلتي.. كنت مشدودلها جدا 
بس كنت خاېف من تكرار التجربة.. لكن والدي ووالدتي نصحوني اني ادي لنفسي فرصة تانية 
وفعلا روحت واتقدمت لسارة 
وافقت عليا.. كنت مبسوط جدا بصراحة كانت بنت جميلة مختلفة في كل حاجة وده اللي خلاني اتعلق بيها اكتر 
.. 
لكن يوم الفرح حصلت حاجة.. كنت انا وسارة في الكوشة والناس بتبارك لينا على الجوازة لحد لما لقيت واحدة مدت ايديها وقالت 
_ الف مبروك
كانت هيا.. ايوة هدي وعلي وشها ابتسامة خبيثة.. ونزلت من علي الكوشة وانا هاين عليا اقوم اطردها بره الفرح 
خلص الفرح وكانت دي بداية المعاناة 
أول ما دخلنا الشقة حسيت اني مش مرتاح مخڼوق حسيت في المكان بطاقة سلبية 
دخلنا الاوضه وسارة طلبت انها عاوزة تاخد دش ودخلت الحمام وفضلت مستنيها تخلص 
عشان بعد ربع ساعة.. تخرج من الحمام بس دي مش سارة.. دي واحدة تاني وشها دميم بشع 
جسمها مشوه 
.. 
صړخت وانا بحط ايديا علي وشي وبقول.. اعوذ بالله من الشيطان الرجيم.. اعوذ بالله من الشيطان الرجيم 
لقيت سارة بتقولي مالك في اي 
شيلت ايديا ومكنتش مسخ ولا حاجة.. كانت سارة 
اومال مين اللي انا شوفتها دي.. انا مش مچنون مش مچنون 
نمت في اليوم ده وانا مش فاهم حاجة.. وشوفت حلم غريب.. حلمت أني ماشي في ارض بور صخرية معرفش انا فين ولا بعمل اي هنا 
لحد ما ظهر قدامي.. كائن طويل رجليه اشبه برجول الجمل وايديه فيها 3 صوابع ووشه كان متقشر وباين اللحم.. منظره بشع وكان في ايده كوبايه فيها سائل احمر.. اشبه پالدم وفضل يحاول يشربني منه لحد ما فعلت شربت 
وصحيت من النوم الاوضة غرقانة في الضلمة.. وسارة نايمة جمبي.. لكن باب الاوضة مفتوح وانا متأكد اني قافل الباب ده بايدي 
وقدام الباب في حد واقف.. واحدة 
قومت وانا بقول.. مين مين اللي بره 
قومت ولقيت شمعة بتتنور في وشي.. وفي اللحظة دي سامع صوت سارة من ورايا بتقولي واقف كده ليه 
المشكله مش في أنا سارة بتندهلي... المشكله في ان اللي قدام الباب تبقي.. تبقي.... يتبع الجزء التاني 
... 
انتظروني في الجزء الثاني من قصة قائمة الانتظارمارد العشق 
... 
محمودالأمين
قائمةالأنتظار 
مارد العشق 
الجزءالثاني
انا واقف مذهول.. اللي ورايا مراتي وبتنده عليا.. واللي قدامي برضو مراتي 
أنا واقف متنح حرفيا مش فاهم ده اي!! 
لكن اللي قدامي ابتسمت بخبث وبدأ وشها يحصل فيه حاجة غريبة وبشعة.. الجلد كان بيقع من وشها وبيظهر من تحته وش المسخ الدميم من تاني 
رجعت لورا وانا بستعيذ بالله من الشيطان الرجيم
مراتي سألتني مالك يا وائل في اي 
قولتلها 
_ هو انتي مشوفتيش حد واقف قدامي دلوقتي 
_ حد.. حد مين هو في غيرنا في الشقة وبعدين انت كنت واقف لوحدك عند باب الاوضة 
هو في اي انت تعبان يا حبيبي 
_ لا انا كويس.. كويس مفيش حاجة 
.. 
عدت الليلة دي.. والصبح قومت من النوم لقيت سارة مجهزالي الفطار 
ولقيت اهلنا جايين عندنا عشان الصباحية جايين يباركولنا.
أمي اول ما دخلت البيت.. وقفت وفضلت تستغفر ربنا وقلتلي 
_ بيتك مش مريح يبني.. انا اتقبضت لما دخلت المكان ده 
_ انا كمان يا أمي مش مرتاح وحاسس ان في حاجة غلط
.. 
في اللحظة دي سمعت.. سمعت صړخة كان صوت مراتي جاي من المطبخ 
جرينا كلنا علي المطبخ وشوفت منظر هوصفه بالظبط 
مراتي واقعة في المطبخ