حكايتي اشبه بفيـلم .. تفاصيل كتير غريبة ، وسؤال واحد بس..

ويمكن ابقي سعيد الحظ وافهم ايه الحصل اصلا ..وليه الانقطاع ده وليه حالة الملياردير ادهورت كده .
وصلنا الفيلا بعد غروب الشمس السواق نزل وفتحله الباب ونزلت بدون كلام .. الفيلا متغيرتش خالص ال مختلف اني اول مرة اشوف المكان بالاضاءة الخافته دي وبدون الضيوف الكتير والمزيكا والاحتفال .. ومع ان المكان متغيرش كتير الا اني حسيت المكان بردو شاخ وعجز وبدا يجي سؤال في راسي .. انا هنا ليه مفيش حفلة .. يبقي مفيش رهان!! .. الدكتور كان بيتحرك بهدوء لحد ماوصلنا الاوضة ال كانت ديما بتم فيها المسابقة! ويقف هو برا بالميكرفون يحي الضيوف ويتراهن علي الكسبان ..! شاورلي علي كرسي من الاتنين قدام الطربيزة المعدنية اني اقعد وقعدت .. بس لأول مرة قدرت اسال يومها ..
ه..ه.. هو في ايه يافندم
بصلي باستغراب .. وكانه اتفاجيء من السؤال ورد وقال بتنهيده 
هيكون في ايه رهان جديد ..
وخرج من الاوضة.. رهان من غير جمهور ومن غير خصم! بس قعدت .. علي الاقل فهمت ان في رهان .. وده معناه ان في فلوس .. يمكن الراجل زهق من الحفلات وعايز حفلة خاصة ليه هو بعد لحظات دخل الراجل ابو بالطو ابيض كالعادة وطلب مني افتح زراير القميص وثبت اقطاب علي قلبي .. كنت متعود اني مش بسأل ومش بتناقش وبعد ماخلص دخل الملياردير .. وقعد علي الكرسي ال قدامي وبدون كلام فتح زراير بيچامته!!.. والراجل ثبت علي صدره هو كمان الاقطاب.. الطرييزة مكنش عليها اي زراير كهربا ولا صناديق حشرات او زواحف سامة ... بدا الملياردير يتكلم بصوت فقد كل المرح ال اتعودت عليه ..
زي مانت شايف هكون انا خصمك في رهان النهاردة ..
ملقتش غير سؤال غبي واحد 
اا .. ليه يا.. فندم !
كنت متوقع منلوج مؤثر هيقوله انه فقد الشغف .. وانه عايز يجرب بنفسه! .. او ان غير سعيد رغم فلوسه كلام مكنتش هصدق منه اي كلمة بس هعمل المطلوب .. ولكنه خالف توقاعتي وقال بجفاء شديد 
وانت هيفرق معاك ايه بتلعب قدام مين!! انت هتاخد ال انت جي عشانه وبس!!
قالها وسكت .. كلمة تانية مني وممكن يضايق ويمشيني وانا كنت مصدقت! .. وعلي الصمت دخل الراجل ابو بالطو ابيض بصندوق خشبي قديم من صناديق حفظ المجوهرات وببساطة خرج مسدسين! .. واحد قدام الملياردير وواحد قدامي..!!.. الملياردير اتكلم وقال
هممم شكرا .. تقدروا تمشوا انتو .
وخرج الراجل وقفل الباب مكنتش عيني لسه نزلت من علي المسډس القديم .. وفهمت تقريبا الرهان علي ايه بس مكنتش قادر اتحرك من مكاني .. منطقتش بعد لحظات مبقاش حد في الفيلا غيرنا تقريبا ..سمعت صوت العربية كمان ييتحرك برا .. وبدا هو يتكلم
ركز معايا عشان تعرف القواعد .. المرة دي اللعبة بسيطة روليت روسي مش عارف سمعت عنه قبل كده ولا لا ..
للاسف كنت سمعت عنه قبل كده .. كمل وقال
كل مسډس في دول في طلقة واحدة .. وانا وانت هنتبادل الضړب انا مرة وانت مرة .. لحد مايوصل لكل واحد فينا مكان الړصاصة لاول مرة انت طرف في الرهان .. ولأول مرة واحد بس هيخرج من الاوضة دي .. باب الاوضة اليكتروني ومستحيل يتفتح من جوا .. ومفيش حد في الفيلا موجود عشان يفتح الباب .. والباب مش هيتفتح غير لما الاقطاب ال متوصله علينا تقرأ ان قلب واحد