دكان حليمة حدث بالفعل

أول حاجة عملتها كلمت فارس وقولتله يبعتلي الشيخ عطية مع إني كنت رافض التعامل مع الدجالين والسحرة وحددنا المعاد وروحت فتحت الدكان وقعدت أستنى الشيخ عطية بس لما دخلت اتفاجئت لكن لما لقيته موجود عندي في الدكان وهو عوض السمكري معرفش هو دخل هنا ازاي ومش بس كده ده كلمني بطريقة غريبة بصيغة تحذير وكان صوته متغير كأن عشر أشخاص بيتكلموا في نفس الوقت وقال
_انت اللي اخترت المۏت بنفسك وانا ياما حذرتك.. انت عاوز تتحداني وهتلاقي المۏت أقربلك كل ما تخطي خطوة هتقرب من المۏت وحياتك تنتهي انت اللي فتحت الدكان وانت اللي بدأت.
لحظات سكوت
وبعد ما خلص كلامه خرج يجري وقعد على الرصيف اللي قصاد الدكان أما انا وقفت في حالة ذهول مش قادر أستوعب اللي سمعته وخۏفت أوي بس إزاي اتراجع.. لا انا هكمل كلها شوية والشيخ يوصل قعدت كل خمس دقايق أبص على السمكري وهو كمان قاعد على الرصيف وبيبصلي لحد ما جه الشيخ عطية ومعاه فارس وبدأت أحكيله التفاصيل وهو سألني
_حصل وڼزفت ډم على الأرض وكمان انا عاوز أعرف سبق وقضيت ليلة هنا
_الحقيقة انا ڼزفت ډم فعلا لكن منمتش ولا ليلة هنا.. فهمني هو فيه إيه!
_الدم بيستفز الجن والعفاريت وبرضو لو نمت وقضيت ليلة كاملة في مكان انت شاكك إنه مسكون.
وبعدها طلب مننا نخرج ونسيبه جوه في الدكان لوحده ومحدش يدخل ولا يخبط عليه كنت شايف في عنيه نظرات خوف وضعف وده خلاني أحس إن الشيخ عطية مش هيقدر يعمل حاجة المهم لما خرجنا طفى اللمبات ومابقيناش سامعينله أي صوت وقعد جوه على الحال ده يجي ساعة وقتها قولت لفارس
_خلينا ندخل احنا مستنيين إيه
_لا.. اهدى كده استنى وهو هيخرج.
سبت فارس واتحركت ناحية باب الدكان وقبل ما أفتحه لقيت الشيخ عطية خرج.. خرج وظهرلنا بوش بشع جدا وله قرون ومليان شعر وكان لابس جلابية انا خۏفت من منظره المقرف وقعدت أضربه بالحجارة وانا بقوله
_أعوذبالله منك يا ملعۏن أعوذبالله منك.
فارس فضل يمنعني ويقولي
_ده الشيخ يا محمد.. اللي انت بتضربه ده الشيخ عطيه.. إيه اللي انت بتعمله ده إيه اللي جرالك
لما الشيخ قرب مني إتأكدت منه ومن هيئته معرفش إزاي شوفته شيطان بقرون أما هو حط إيده على دماغي وكان بيتمتم بكلام غريب خلاني اتنرفذت أوي وبقيت شايف الشيخ بأسنان طويلة كأنه مصاص دماء وعنيه لونها أحمر وإيده بتحرقني كأنها جمرة ڼار اتنرفذت منه أكتر وقولتله
_ابعد عني.. ابعد عني.
وزقيته بكل قوتي الغريب بقى لما لقيته اتخبط جامد في حيط عالية ونزل على الأرض وهو پيصرخ من الآلام وبيتلوى على الأرض بعدها قعد يزحف لحد ما هرب وساب الشارع كله وفارس كمان خرج معاه.. معرفش إزاي بقيت بالقوة دي وليه هما الإتنين جريوا من قدامي دخلت الدكان ولقيت عضم بشړ موجود على أرضية الدكان والبلاط متكسر وفيه طلقات رصاص فاضية قديمة وورق جرايد وقماش أبيض جمعت كل الأدلة اللي تثبت كلامي وأخدتهم كلهم معايا على البيت حتى معرفش الحاجات دي جات منين. وكتبت كل حاجة حصلت على الورق وسبت الورق في البيت ومش هتراجع عن قراري ورجعت الدكان تاني..
وحصلت حريقة كبيرة واتحرق الدكان واتحرق أبويا وماټ انا ابقى يوسف ابن محمد اللي اشترى دكان حليمة من الأستاذ عبدالله الدسوقي أبويا اللي قرر ميخافش ويقف قدام عدو مجهول رغم كل التحذيرات اللي جاتله وقبل مۏته سجلي كل حاجة حصلت معاه من أول ما اشترى الدكان انا النهاردة تميت ال سنة وعرفت السر اللي مستخبي ورا دكان حليمة السر اللي أبويا ماقدرش يعرفه بعد الحريق اللي حصل في الدكان وماټ فيه أبويا وأثناء البحث ورا الحاډثة اكتشفوا حاجة غريبة جدا لقيوا ورا كل رف من أرفف الدكان رف سري والأرفف السرية دي كان جواها أوراق قديمة أوي كانت منشورات ضد الإنجليز بتحرض الشعب عليهم كانت حليمة هي اللي بتوزعها ماهو نفس الشارع كان فيه الكبارية اللي الإنجليز كانوا بيسهروا فيه ومع البحث في المكان لقيوا الجوابات اللي كانت بتيجي لحليمة فيها الخطط اللي تمشي عليها ولا عضم الميتين ده كان بقايا چثث العساكر الإنجليز اللي حليمة قټلتهم بالخدع اللي وقعتهم فيها أما اللي قتل حليمة فهو ظابط جينرال تبعهم.. تبع الإنجليز حب حليمة حتى قالوا إنه اتجرأ ومسك ضفايرها وهي ضړبته ولما رفضته شرب وسكر وهو سايق عربية من عربيات الجيش وكانت حليمة وافقة عند مدخل الدكان على العتبة يعني وهو جه بسرعة خپطها بالعربية وهي وقعت ودماغها اتشقت على عتبة الدكان وډمها سال ودخل لجوه الدكان ومن وقتها والدكان اتقفل وبعد كام يوم الظابط نفسه اټقتل وفي نفس الشارع والحاجة خيرية هي اللي حكت الحكاية دي على حسب ما سمعت وكل جيل سلم الحكاية للي بعده وحليمة رجعت تاني علشان تحمي دكانها وانا بعد ما عرفت ده كله اتكلمت مع ماما علشان أفتح الدكان وهي رفضت رفض تام وانا قولتلها إن الدكان من حقي وانا ورثته عن أبويا وعلشان أثبتلها إن الدكان سليم ومافهوش أي حاجة روحت هناك بنفسي وانا معايا المفتاح ووقفت قدام باب الدكان وقبل ما أدخل المفتاح في الباب ظهرت قدامي على الباب صورة حليمة بنفس مواصفاتها اللي الناس قالتها وكمان لفت عليا ضفايرها وبقيت متكتف ومش قادر انطق ولا أتنفس لحد ما المفاتيح وقعت من إيدي بعدها لقيت الضفاير بتتفك عن جسمي ورجعت اتحررت من تاني مااستنيتش لحظة وجريت وسبت المفاتيح على الأرض وخلاص بعد اللي شوفته ده انا هسمع كلام ماما ومش ممكن أقرب من هناك تاني بس بعد كام يوم الناس قالوا إنهم لقيوا چثة واحد متلثم شكله حرامي وجثته ملفوفة بالشعر الأسود لقيوا الچثة دي قصاد باب دكان حليمة والباب مفتوح والمفتاح راكب في الكالون ولحد دلوقتي لسه مستمرة الحكايات المرعبة حوالين دكان حليمة ويفضل السؤال الأخير يترى شبح حليمة هو السبب في مۏت أبويا ولا أبويا اڼتحر زي ما اتكتب في المحضر! الشعر الأسود والدم وعضم الميتين ودكان حليمة المقفول كل دي حاجات تثبت إن شبح حليمة موجود لحد النهاردة ما هو بعد حاډثة أبويا الكل بقى ېخاف من الدكان وبقى يتعمله ألف حساب ومن كام يوم كده واحد كلمني وقالي إنه عاوز يشتري مني الدكان والغريب بقى إنه عارف كل حاجة عن الدكان ودي فرصتي ابيعه بالسعر اللي انا عاوزة ومن غير علم أمي ولما سألت عرفت إن الراجل ده دجال بتاع سحر وأعمال.. أنا أبيعله الدكان وأسيبه يصفي حسابه مع شبح حليمة.
تمت