التايبان بقلم جنة مياز الحادي عشر الى الثالث عشر

هو بحزن
كده كده هتعرف بس انا مش هقدر اخبي عليها كتير
صمت بدر ولم يجب ليقول تميم بمكر
احم...وانت
نظر له بدر بمعنى ماذا
فأكمل هو
هتسيب جانا كده
ليزفر بدر بعدها بحنق قائلا
جانا هتتبهدل معايا
ضحك تميم بسخرية على تفكير صديقه الماكر فهو يعلم ان بدر ما يريده يحصل عليه مهما كلفه الأمر لذلك فكرة تركه لجانا هي مجرد فكرة و ستزول قريبا بينما نظر له بدر ببرود و قال
ايه اللي بيضحك كده
ليجيبه الآخر بثقة
ان انا و انت عارفين كويس انك مش هتسيب جانا لغيرك يا بدر...مش التايبان اللي يفوت فريسة حطها في راسه
ليبتسم الآخر بهدوء مشيحا بوجهه للجهة الأخرى
....
مسحت جانا دموعها حين دخلت ورد الى الغرفة و جلست بجانبها على الأرض قائلة وهي تربت على ظهرها بحنو
ميهمناش غير انك تكوني بخير يا جانا
اماءت جانا و ظلت صامتة لتقوم ورد بمعانقتها ثم تقول بحنو
معرفش حصل ايه في الرحلة ديه بس متأكدة انك حبيتي فيها
فرفعت جانا رأسها و نظرت لورد بذهول لتبتسم الأخرى ثم تتابع
اللي حبتيه هو اللي هكر اللاب
فحركت جانا رأسها نافية ثم قالت
صاحبه بس كده كده مش هنتقابل تاني
قضبت ورد حاجبيها ثم قالت
عشان هتتجوزي طبعا
لتجيب جانا بحزن
عشان اتفقنا منتقابلش تاني بعد الرحلة ديه
لم تعلم ورد السبب وراء ذلك الاتفاق لكنها شعرت بان جانا لم تكن ترغب في الحديث لذلك صمتت وظلت تربت على ظهرها بحنو محتضنة إياها بينما ساجدة تلعب بالدمى أمامهن و بعد لحظات طرق اوس باب الغرفة فاتحا الباب بعدها قائلا بهدوء
جانا عايزك شوية
ابتعدت جانا عن ورد ثم مسحت دموعها بينما نهضت الأخرى و حملت ساجد و خرجت فدخل اوس ثم جلس بجانب جانا و قال بنفس هدوءه
انا مغلطتش لما زعقتلك واظن انك عارفة كده
ابتسمت جانا فهي تعلم ان لأوس كبرياء مستفز في بعض الأحيان يمنعه من الإعتذار بينما تابع هو
عايز أعرف الحقيقة يا جانا عشان انا مش غبي لدرجة اني اصدق اللي قولتيه
أبتلعت جانا ريقها وما مرت لحظات الا و بدأت تبكي مرة أخرى فزفر اوس بحنق ثم قال
ي بنتي خلقي ضيق...قولي على طول
فحركت رأسها نافية ثم قالت
خاېفة منك يا اوس...عصبيتك بتخوفني
ابتلع الآخر ريقه ثم قال بحنو
بوعدك مش ھقتلك
فضحكت جانا رغما عنها ليبتسم هو قائلا
احكي يلا
تنهدت جانا بعدها سردت عليه ما حدث بهدوء على الرغم من شعورها بالذنب لأنها خانت ثقة بدر ولكنها كانت حريصة على الا تذكر اسمه او اي شيء يدل عليه و حين انتهت قالت
بس هو أتغير يا اوس هو كمان مأذنيش بالعكس كان طيب اوي معايا هو بس وراني العالم بشكل مختلف...حتى..حتى وراني اهل صاحبه في اليمن على الرغم من ان بلدهم كان فيها حرب بس هما كانوا كرماء اوي معانا و لما روحنا سقطرى كانت اجمل جزيرة شوفتها في حياتي..
ما كادت تكمل الا وقاطعها اوس بنبرة جامدة قائلا
جانا انتي مستوعبة انتي كنتي فين و حصل ايه افرضي ده كان لسة بيتاجر في السلاح فعلا كان زماننا بنصلي عليكي
فحركت هي رأسها بالإيجاب ثم قالت
عارفة اقسملك اني عارفة بس انا دلوقتي بخير و اتعلمت حاجات كتير اوي منه...بس الشخص اللي قابلته كان اطيب حد شوفته في حياتي بغض النظر عن اللي عمله زمان
ليقول اوس پغضب طفيف
وايه اللي مأكدلك اوي كده ايه اللي يمنع انو يكون بيضحك عليكي 
فأجابته جانا
كان قتلني او عمل فيا أي حاجة...مكنش هيديني تلفونه و يقولي كلمي اهلك و خليه معاكي مكنش هيرجعني البيت اصلا يا اوس
صمت اوس للحظات ليستوعب ما القته عليه جانا من كلمات لتكمل هي بشيء من الشك
انت مش ھتأذيه صح
ليجيب اوس بضيق
على أي أساس هأذيه اللي انتي قولتيه مجرد كلام مفيش اثبات عليه ولا دليل ولا بلاغ ولا أي حاجة وعلى الرغم من اني نفسي اوي اقتله عشان فكر يهددك بس اللي زي ده لو نزلت السما على الأرض مش هنلاقي دليل ضده
فابتسمت جانا بسعادة قائلة بعدها
اوس انا وثقت فيك و حكتلك...ممكن توعديني متحكيش لحد حتى بابا
ليبادلها هو الابتسامة معانقا إياها بحنو قائلا
وعد
ابتسمت جانا شاعرة بالراحة بعد ان سقط ذلك العبء الثقيل عنها بينما قال اوس وهو يربت على شعرها
الموضوع كله هيتنسي