التايبان بقلم جنة مياز الاول

١٦٪ بس اما الباقي فدول خفيين و مش اي حد بيدخل عليهم و منصحش لحد يدخل
ملأ الفضول ذهن جانا فقالت
ليه بقى
فأجابها هو
لأن كل حاجة ممنوعة و محرمة مباحة ١٠٠٪ على النت ده ..عليه مواقع آكلي لحوم البشر و تجار السلاح و الأعضاء و المخډرات و كل حاجة بشعة ممكن تتخيليها...بمجرد تسجيلك عليه اي حركة غلط موقعك هيتجاب
اغلقت جانا عينيها ثم عضت على شفتيها للحظات قائلة بعدها
لو دخلت عليه هتساعدني
حك عيسى رقبته بخفة ثم قال بعد تفكير
تمام انا معاكي
أبتسمت جانا ثم نهضت لتحضر هاتفها و تعطيه لعيسى و قالت
حملت البرنامج اللي بيدخلني عليه...عايزاك تهكرلي حساب حد على النت ده و عايزة أعرف مكانه و كل حاجة عنه
زفر عيسى و قال
بصي هو صعب جدا أهكرلك حساب حد كبير على النت ده يعني مثلا واحد زي التايبان ده الشرطة نفسها متعرفش حاجة عنه ولا حد يعرف مكانه ولا هو فين كل اللي معروف عنه أنه أكبر تاجر سلاح غير مرخص على النت ده و معاه هكر قوي بيخفي أثره
جلست جانا امام عيسى ثم قالت
طيب انا أعمل ايه عشان أدخل العالم بتاعهم
فأجاب الآخر بهدوء
صعب يا جانا أنتي آخرك تدخلي على المواقع العامة ديه وخلاص انما تتعمقي في عالم الچريمة مش هتخرجي
زفرت جانا بملل وهي تفكر فيما تصنع فما فائده دخولها على ذلك الموقع إن لم يكن بوسعها استكشافه بحريه لتلمع فكره في رأس عيسى ليقول
بصي هو في حل حلو بس صعب شويه
قضبت جانا حاجبيها بعدم فهم ليكمل هو
يعني معتمد على الحظ...بصي في صندوق بيتباع على النت المحظور ده و أنتي و حظك في إللي هيطلع منه يعني لو محظوظه ممكن تلاقي حاجه تدلك على چريمه حصلت أو هتحصل و ممكن تلاقي حاجات لشخص مفقود بس ممكن متلاقيش حاجه بردو فالموضوع ده مجازفه
ابتسمت جانا بمكر ثم قالت
وأنا مستعده أصلا شغلي كله مجازفه بس قولي الصندوق ده اشتريه منين
أماء عيسى لها ناهضا بعدها ليرحل و قبل أن يفعل كان قد أخبر جانا بأنه سيرسل لها الموقع من حاسوبه في المنزل
قبل أن تغلق جانا الباب وجدت ورد أمامها فابتسمت ثم أشارت لها بالدخول لتدخل الأخرى و علامات الضيق باديه على وجهها فقالت جانا ببراءه
مالك
لتجيبها هي بحنق
اوس قالي اقولك تشيلي الفكره إللي في دماغك لو عايزه تحافظي على حياتك أنتي و جوجو
حكت جانا مؤخرة راسها بخفه لتنظر لها ورد بمعنى بما تفكرين
فنظرت لها جانا بمعنىلا شيء
لتزفر ورد بملل ثم تقول
عندي شغل هخلص و ارجعلك عشان مش مرتحالك
ابتسمت جانا وما إن خرجت ورد حتى ركضت تجاه هاتفها لانتظار رسالة عيسى و بعد فتره ليست طويلة تلقت جانا الرابط لتدخل عليه بسرعة ثم تقوم بشراء ذلك الصندوق وما إن ضغطت على زر الشراء حتى تلقت رساله محتواها جعل أوصلها ترتجف بعض الشيء إلا و هي
نشكرك على المشاركة لكن...إن لم يكن الصندوق آمن فعليك بالهروب لإنهم سيجدونك
ابتلعت جانا ريقها ثم ابتسمت ابتسامة زائفة و قالت مطمئنة نفسها وهي تضحك
لا طبعا هيلاقوني إزاي يعني..احم يعني....لا لا محدش هيلاقيني هقفل النت بعدين في مليون بنت إسمها جانا
حكت جانا مؤخرة راسها ثم قالت
بعد الشړ عليا محدش هيلاقيني لا
نهضت جانا من مكانها لترى ما تفعله ساجدة و تجلس معها قليلا حتى جاءت ورد في المساء و بالتأكيد لم تخبرها جانا باي شيء و اقنعتها بأنها ألغت الفكرة تماما من عقلها
بعد مرور يومان
أستيقظت جانا في تمام