حبك ڼار. اسماء الكاشف من38:46

ذي اختي لو احتاجتي حاجة هتلاقيني في ضهرك بصت عليه بتأثر اول مره حد يحسسها انه امانها وضهرها ابتسمت ليه وقالت 
شكرا لحضرتك يا استاذ 
_ خالد اسمي خالد 
قالها بهدوء ومد ايده ليه سلمت عليه وقالت 
ميرا قالتها وسحبت ايدها
_ عارف 
قالها بهدوء وطلع كارت واداهولها 
_ ده الكارت بتاعي لو احتاجتي حاجة رني عليه عن اذنك قالها
اتفضل 
مشي وهي فضلت باصه عليه ومحستش بدموعها الي اختلطت بابتسامتها ولفت ضهرها ومشيت هي كمان ونزلت الكاب مره ثانية وافتكرت ازاي وصلت لخالد 
فلاش باك
بعد ما خرجت من مكتب جدها وصلت اوضتها وعلامات الضيق علي وشها قربت من الشباك لقت عربية قدام الفيلة سايبها جاسر لحراستها او بمعني أدق لمراقبتها اتنهدت بضيق وقفلت الشباك ودخلت قعدت على سريرها وحطت ايدها علي وشها بضيق سمعت صوت تليفونها الي خرجها من شرودها شويه زفرت بضيق وهمست بخفوت
هتلاقيه سي زفت جاسر ما هو مش هيعتقني بقي قالتها ومسكت الفون لقت رقم غريب قضبت حاجبها وفتحت الخط 
الو 
_ انسه ميرا معايا 
قضبت حاجبها بدهشه وردت عليه بهدوء ..
ايوه مين حضرتك 
_ حضرتك وقعتي جواز سفرك وهو معايا تعالي عند الساعة ١٢ علشان تستلميه 
قالها وقفل الخط بعدت التليفون عن ودانها وبصت عليه پصدمه هزت راسها وقالت بغيظ
قليل ذوق بصحيح 
سكتت شويه وكملت 
بس كويس اني وصلت لمكانه كده اقدر اسافر أخيرا 
بصت علي الساعة لقتها ١١ فهمست بهدوء 
ما فيش وقت يدوب الحق اجهز نفسي 
دخلت الحمام وغيرت لبسها للبس شباب علشان محدش يقدر يتعرف عليها بسهولة بصت علي نفسها برضا ورجعت للشباك لقت الحراسة ذي ما هي فاتنهدت بضيق قفلت الشباك براحه واتسحبت من الاوضة علي طراطيف صوابعها وفي ايدها الكوتشي نزلت السلالم بهدوء وجدها مش في البيت طمنها أكثر دخلت المطبخ ماكنش فيه حد في الوقت ده وخرجت من الباب الي فيه ووصلها للجنينة الخلفية لبست الكوتشي وحطت الكاب وسحبته لتحت خبي وشها وخرجت من الباب الخلفي من غير ما حد ياخذ باله منها وقفت تاكسي وملته العنوان وفي وقت قليل كانت عند خالد الي كان قاعد لوحده مستنيها عرفته مجرد ما شافته وافتكرت موقفها معاه في المطار 
باااك
فاقت من ذكرياتها علي صوت سواق التاكسي يسألها علي العنوان ملته عنوان فيلتها ورجعت بضهرها ورا غمضت عينيها للحظات بتفكر في مصيرها وقلبها الي مش عارفه هو عايز ايه فاقت علي صوت السواق مره ثانية قدام باب فيلتها نزلت راسها لتحت احسن الحراس يشوفوها وقالتله بخفوت ...
مش هنا لف من الشارع الجاي بسرعة 
استغرب بس اتحرك ذي ما قالتله اتنهدت براحة ورفعت راسها لما بعدت عن عين الحراس 
ايوه اقف هنا شكرا 
قالتها ومدت ايدها ليه بالفلوس اخذها منها ونزلت بسرعة ودخلت بخلسه ذي ما خرجت طلعت اوضتها بسرعة وغيرت هدومها بفستان اصفر جميل ابتسمت بسعادة وهي ماسكة جواز السفر في ايدها ومسكت الفون عملت شويه اتصالات وحجزت تذكرة للسفر بكره العصر 
عند مروه وصلت البيت ودخلت علي اوضتها علي طول رمت الشنطة وقعدت تذاكر شويه
دخلت مها الأوضة وفي ايدها الاب بتاعها اتفاجئت من وجودي 
_ ايه ده انتي جيتي امتي يا بنتي ده انا محستش بيكي خالص 
حطت الاب علي السرير وكملت بفضول 
_ ده انتي كمان مغيره لبسك وبتذاكري 
لسه واصله من نصف ساعة طلعت الأوضة علي طول لما ماشوفتش حد قاعد في الصالة 
رمت نفسها علي السرير بشقاوه وتحدثت وهي تنظر لاظافرها ..
_ اه ما هو ما فيش غيري في البيت الكل بره ... انا بس الغلابانه مش لقيالي شغله اعملها 
ضحكت عليها وقولتلها بضحك بعد ما سبت القلم قدامي 
انتي فاضيه علي طول يا ماما .. الكلية بتروحيها زيارات توريهم فيهم طلتك البهية ذي الي بتتكرم عليهم 
ضحكت مها بدلال وكملت بشقاوة..
ده انا مها يا ماما أي أي ولا زي زي .. البرنسيسة الي في الجامعة لازم كده يقفو في طوابير علشان اشوفهم واديهم نظره واحده 
لاء بتكلم جد انتي مش ناويه تروحي الكلية بتاعتك انتي بقالك كثير ما روحتيش 
اتنهدت بضيق..
_ ليه بس سيرة الغم ده انتي دايما كده بتحبي تغمي نفسي.. عموما يا ستي من بكره هرجع اروح بانتظام ارتحتي كده 
قالتها واتعدلت في قعدتها ومسكت الاب تشغله وانا مسكت القلم من ثاني بس افتكرت لما مها قالت انهم مش موجودين وفضولي خلاني أسألها 
هو صحيح الكل خرجو فين مش من عوايدهم يخرجو في الوقت ده 
مها بتلعب بزراير الاب وقالت 
_ عادي يا بنتي ماما راحت عند جارتنا ام حسن علشان الست تعبانه شويه وماما بتزورها .. وبابا خرج مع واحد صاحبه في مشوار 
سكتت مها وكملت عبثها بالاب وانا فضولي لسه مانطفاش عايزه اعرف عاصم فين هو بيجي بدري عن كده فاتنهد بضيق وسيبت القلم سألتها بضيق ...
وعاصم فين هو لسه في شغله مارجعش
_ لاء كلمنا وقال هيقضي اليوم عند صاحبه معاذ 
هزيت رأسي بتيه ومسكت القلم وقلبي مشغول بمعذبه وبدءت اراجع دروسي مره ثانيه ومها بعد فترة قليلة قفلت الاب وقامت بهدوء ..
_ هنزل اشوف ماما جت ولا ايه عايزه حاجة 
تسلمي يا مها انا هصلي وانزل وراكي 
قولتها بهدوء وبحرك راسي يمين وشمال بفك تشنج رقبتي ابتسمت بلطف وقالت ..
_ اوك اشوفك تحت يا جميل 
قالتها وخرجت بهدوء وانا رجعت براسي ورا ودلكت رقبتي بهدوء وسرحت شويه 
بعد ساعة نزلت تحت كانت السفرة جاهزه والكل قاعد عليها 
صباح الخير
قولتها بهدوء وعيني جت علي الكرسي بتاعه 
_ صباح النور يا حبيبتى يله اقعدي 
هزيت راسي بهدوء وقعد علي الكرسي بتاعي الي كان جنب مها غمزتلي بعينيها بمشاكسه وقالت..
هنشوف مين فينا هيخلص طبقة الأول 
اسكتي يا ماما انا محدش يفوز عليه ابدا 
ضحكت علي طريقتي وبدءت السباق قبلي
اوف لئيمة بدءتي قبلي بس بردو انا الي هفوز عليكي 
هنشوف يا حلوه 
قالتها وهي بتمضغ الاكل وأنا بدءت اسرع في اكلي لدرجة اني شرقت
_ براحه يا بنتي ھتموتي نفسك علشان لعبه تافهه ذيكم انا مش مېت مره قولت مش عايزه اللعبة دي تتلعب بينكم 
آخر مره يا ماما بس لازم افوز 
هزت رأسها بيأس مننا وكملت أكلها بضيق بعد اقل من خمس دقايق كنت خلصت طبقي وقولت بسرعة 
انا الي فوزت عليكي اهو 
قومت من مكاني وهي بتبص عليه بضيق غمزت ليها بشقاوة وكملت 
هحكم عليكي لما ارجع من الدرس باي 
بعدين ابتسمت وقولت كلامي ليهم 
سلام يا حلوين اشوفكم بعد الدرس فاصل ونواصل قولتها وضحكت وهم ضحكو عليه وانا طلعت لبست بسرعة فستان أزرق قصير شويه وبكم جيبت شنطتي لبستها وخرجت اول ما فتحت الباب لقيت غادة رافعه ايدها وهتضرب الجرس 
غادة ايه الي جابك علي هنا الأول 
حركت راسها يمين بتعب ووشها مصفر ومرهق وباين عليه الإرهاق فرفعت حاجبي مستغربة سكوتها وشكلها بس مره واحده اترمت في حضڼي وعيطت بصوت عالي وايدي فضلت نازله وقفت متسمرة مكاني للحظة غمضت عيني وبتلقائية