أستحق هذا العڈاب ل ميفو سلطان
معاهم
هتفت ....واضايج ليه .
هتف ....يعني اللي عيونه بتبص علي حد بيضايج لما حد تاني يجرب .
هتفت..... وانت يعني عارف ان عيوني بصت .
ضحك ..ماتسيبيني ساكت الا الجمر كان ماشي يلف عليا كيف الدبور .
هتفت ..مين دي اني ..بطل بطل مالك مغرور اكده داني جمر .
ضحك.... واني جبل اللي جاب الجمر .
هتفت ..جابها جاب ايه .
هتفت ..انت بتحلم والله ايه جمر ماهياش سهله اكده انت فاكرني بيضحك عليا بكلمتين .
هتف .ولا اوعي اعملها .جولتلك شوفتك بعيوني ملتيهم يا جمر صدجيني اني مابلعبش ولا عمري هلعب .
هتفت .ده حب من اول نظره بقه
هتف .من ساعه صرختك وعيونك جت بعيوني واني حاسس انك بتاعتي ليا وبس
همست .مش جوي اكده .
هتف ..لاه جوي وحسيت بيكي لما حزنتي وهملتي المكان خرجت وراكي كت ماشيه غضبانه وكت حتي بجول يا رب يكون عشاني ..ولما لجيت الحلوف ده بيجرب منك ماتحملتش .
همست ....لاه مافيش هغضب ليه وانت اصلا واجف تسبسب لكريمه وسوسن ..ايه بت كل شويه وبعدين اني جول واجف معاهم ليه انت الله الناس هتجول بتاع بنات .
امال كت واجف معاهم ليه وجفت اني شوفتك اوعي تضحك عليا اني مش هبله
هس ..عايزه تعرفي يهمك اني .
اندعت بلهفه ..ايوه ھموت واعرف ...ارتبكت عندما ضحك ..لاه جصدي جصدي ..عادي صحباتي حابه اطمن .
همس ..لا يا جلبياطمنيسوسن وكريمه جرايب من بعيد مافيش والله .
همست ..خالص خالص ولاعايز .
قطبت وقالت ..عايزمنهم ايه مشبوكين هما .
ضك ...عايز الجم اللي ماحد شبكه ولا دخل جلبه الا اللي انهبل عالاخر وبقيت جواه.
تنهدت وصمتت .فهتف ايه مش هتردي تفرحي جلبي
هتفت ..اجول ايه
همس بحنان....تجولي ان فيه حاجه جوه .
همست بخجل ...جوا فين بطل احنا مانعرفش بعض انت فاكرني سهله والا ايه .
هتفت .لحجت تسال .
ضحك بصي ساعه عيونك ماجت في عيوني اتلبست اختيت شويه رحت للواد اللي خد المحفظه جاعد يشم فيها زي الاهبل شديته وجولتله ..فيه ايه انهبلت اياك مين دي .
هتف ماتعرفهاش يا مخبل دا جمر النجع بحاله جمر وهيا جمر حسيت اني عايز اخبطه بحاجه جولت له .مين بت لاعبيه اكيد طالما حلوه جال مين دي ..جمر مابتبصش لحد واصل العين عليها بس هيا فوج السحاب اخلاج ورجه وجمال .البلد بتلفلف عليها وهيا عاليه جوي .حسيت بجلبي بيدج حجه لو اني اللي دخل العين لفيت من ورا الناس وراجبتك ولجيتك راحه جايه تدوري عليا استخبيت اتملي من الجمر حسيت اني هنهبل وانت بتلفي عليا ..رحت لسوسن لجيتك جيتي كت ھموت وادور اكلمك دا جت جاري ك هفطس بس مسكت حالي بالعافيه ولما خبطيني كت عايز ادور واجفش في امك وكلمتيني مسكت حالي وانا بغلي جولتلك ولا يهمك ولفيت محصور
هتفت ..انت واعر جوي بس برضك اني جمر مش اي حد ابصله .
ابتسم ..مش بالبص بالجلب ودجاته حطيت يدي علي جلبي وجولت جالك نصيبك يا جبل جالك اللي خطفت جلبك جبل عينك صرخه الجمر دخلت جلب الجبل فرتكته.
هتفت .بتجول ايه بطل نصيب ايه .
هتف .يمين الله نصيبي ولا هتكوني لغيري .
هتفت ..مالك متوكد اكده افرض كت عشجانه حد تاني .
هتف ..اللي تبص ليا بصاتك دي استحاله يكون جلبها دج لحد تاني .
هتفت ابص ابص ايه انت مخبل وبتجول اي كلام .
هتف ..بصاتك ليا غير.... بصاتك ليا بتجول اني بتاعك وانت بتاعتي بصاتك بتجول ان الجبل هو اللي دخل واتربع ان الجبل للجمر حمايه وسند ان الجبل راجل الجمر ومافيش غيره ليها ولا هيكون ولا هسيب حد يكون ..بصاتك بتجول رايده والعشج بيتولد من جواكي .
همست بخجل ..عشج مره واحده ..
هتف ..عشج الجبل لجمر ساعه ماشفت عيونها وعشج جمر للجبل ساعه ماصرخت خوف عليه .
همست ...والله انت حر في روحك اني مش اكده اني ماهاخدش الا اللي جلبي يهواه ويدجله بس فينه بقه الله اعلم .
هتف ...طب احلفي ايمنات الله انه مادجش .
همست بدلال.... لاه مش هحلف ومادجش ايه جولك .
هتف.... كنه اكده يعني مافيش حاجه خالص .طب يا بت الناس حجك عليا كت فاكر ان فيه حاجه اشوفك علي خير وصمت.
فاندفعت پجنون .....ايه استني هتجفل ماتجفلش .مانتلم طيب ليه قله القيمه يا بت
هتف ..هتكلم ليه والجلب بعيد وشارد يا رتني ماتعبت حالي وسالت ولفلفت كيف المجذوب اشوفك بخير يا ست العرايس اني مش بتاع لعب وطالما الجلب ماجاش انحصر باللي جوايا والم حالي وقفل الخط احسن احسن كلي حالك بقه يا حزنه
جلست هيا مصدومه ....يا مري دا جفل يا حزنك يا جمر انت حلوفه يمين الله عماله تتبغددي علي ايه جك خابط وال مادجش ..دا دج لما انهريت ..منك لله الواد جفل جابك وفرزك وهبلك وراحه تجولي مادجش دج عليكي السخماط يا بعيده جلبي ھموت ..طب اعمل ايه اكلمه عاد يادي الحزن عليكي وعلي ايامك انت ماصدجتي اتكلم ولفلف عليكي منك لله بومه طب ايه هجعد اكل حالي اكده ماهعرفش اتصل اني مكسوفه الواد بيجول رايدني بتاعته اجوم اغفلجها انت تستحجي الحرج يا بت حمدان ..طب ايه طيب اعمل ايه فكري يا هبابه ..جلست ونزلت دموعها .مش لاجيه افكار الواد اللي هنهبل عليه راح ..فتحت تليفونها ودخلت صفحته وظلت تراقبه وتراقب صوره كانت صور تاخذ العقل حفظت احد الصور وجلست تتاملها همست ....جمر ياخد العجل منك لله ھموت يجولك ډخلتي عينه وجواكي وتجولي مافيش دانت جواكي مهري عليه ربنا ياخدك شايفه حالك ده مش من الجدعان اللي بتلفلف عالبنات يا مري ھموت اعمل ايه ....نظرت لصورته .....اتصل تاني بالله عليك حاسه بنفسي محصوره اني مني لله بس اعمل ايه بت مغروره وزباله .ال ما دجش ال... دا سخماط وحزن اهه ماهيتكلمش كلي حالك عضي في روحك بقه ما هيعبركيش احسن كلي حالك يا بت حمدان انت ليكي الحزن انما الجبل مالميش تفرحي معاه وجلست تاكل حالها طوال الليل
.
مرت عده ايام وهيا قد اصبحت كالمجذوبه كانت تسير تتلفت في الشوارع تامل ان يكون يتبعها الي ان جلست اخيرا علي احد مقاعد النيل وهمست انت بتفكري في ايه ماهو لو عايزك ماكنش سابك اڼفجرت في البكاء خلاص يا جمر
انسي بقه ..بس مش عايزه انسي جلبي بيدج ھموت ويتصل اخص عليه ماصدج والا ايه .تنهدت..كانت تمسك احد الورود ټلمسها بحنان ..ده خلاص ماعتش عايز مابيلعبش منك لله ورمت الورده وفامت مقهوره وذهبت الي بيتها
اقترب ابيها تعالي يا جلبي شوفي جبتلك ايه .
ذهبت هيا اليهكانت حزينه هتف .شوفي اكده واخرج خمس فساتين .شوفتي ابوكي بيحبك ازاي .
ابتسمت له رغم حزنها لم تسعد ولكنها اظهرت سعادتها حتي لا تحزن ابوها
هتفت .حلوين جوي يا ابوي دول شكل بتوع التلافزيون .
هتف ماني نزلت المركز ودخلت محل كبير لجيت سنيوره زيك اكده لابسه حلو جوي جولتلها تنجي حاجات عاليه عشان تمشي تنوري أكده ..
تنهدت فهتف جومي البسي ده هيبقي يخبل علي عيونك الزرجه اللي تخبل دي جومي يلا ..تنهدت وقامت ولبست الفستان .
هتف .مالك حزنانه اكده .
تنهدت ..مافيش مافيش .بس جصير شويه .
هتف ....فيها ايه بتوع البندر بيلبسو اكده وانت جمر دا رجلك دي اللي يشوفها ينخبل ملفوفه وطريه اريل بيه براحه عالبت .
تنهدت.... بس مسعد هيزعج بلاش يا ابوي ما ريداش اني.
هتف غاضبا .اجهروني بقه واتحكمو بدل مافرح انجلب واموت بحسرتي علي بتي دا حزن ايه ده هو مسعد مكتوبلي في البخت مش كفايه منجوع فجر وخد بت فجر ..اني ابوكي وبلبسك لاجل تنوري والناس تعرف اننا مجامنا عالي وبنفهم زي البنادر والا هتجهري ابوكي علي اخر ايامه اكده يا جمر .
تنهدت لاه يا ابوي خلاص .
هتف .طب البسي يلا وخدي ده خلخال اهوه ...يلا نوري اكده راحين فرح جملات بت براهيم ابوها دعاني يلا .
هتفت .بس يا ابوي اني جمالات مش صاحبتي اني هجعد وروح انت
هتف .بجولك ايه انت هتاجي معايا امال جايب الهباب ده ليه في يومك الاغبر دا الواد سليم هينهبل عليكي ابن العمده . .
هتفت والله يا ابوي تعبانه والشغل كان صعب انهارده .
تنهد .....طب بصي تعالي نص ساعه سلمي وامشي وهتهبب اجعد لحالي .
تنهدت ..حاضر يا ابوي ..
اقترب وهتف .عيونك دبلانه ليه ماتجيش اكده حطي شويه حمار علي وشك انت مالك كنك مانمتيش بجالك سبوع .
تنهدت اني مابحطش انت خابر .
هتف .لاه ماهتروحيش دبلانه اكده حطي بجولك اهوه ماتجهرنيش .
تنهدت ووضعت بعض الحمره الخفيفه تداري شحوبها فهيا لها اسبوع تفكر في جبل ولا تنام .
خرجت هيا وابيها فقابلهم مسعد فنظر لقمر فاشټعل ڠضبا انت مخبله راحه فين بالهباب ده في يومك الاغبر وايه الحزن اللي في رجلك ده ...خجلت من اخيها فهيا تحبه ولا تريد اغضابه .
هتف ابيها .مالك انت راحين فرح .
صړخ .واخد بتك جالعه ومسبسبه عشان الرجاله يبصولها صوح.
هتف ابيها غاضبا .احترم حالك انت عيل فلاح مالك بينا احنا اصلا هنهمل النجع ونروح نجعد في البندر مع الناس النضيفه .
هتف مسعد يا ابوي عيب اكده تبين حال بتك عيب والله وانت مبسوطه بحالك اكده اللي زيها متحجبين ومحترمين عيب بقه .
صړخ ابيها ..ههببها هحجبها لما تتجوز انت مال انت دا حزن ايه ده .
صړخ مسعد ..ملبسها جصير وفارده شعرها وملبسها خلاخال حام اتجي الله البت صغيه ماتملاش عينها بدنيا ماهياش دنيتنا الرضا يا ابوي والجلب الراضي مافيش منه .
صړخ ابيها....رضا ايه وحزن اسود عي ايامك مش كفايه انت البت كمان .جلب ايه دي هانم تتشور وتلبس دهبات البلد .
صړخ مسعد ....تلبسهم بعري چتتها .
خجلت وهمست .هخش اغير يا ابوي خلاص بقه.
صړخ .منك لله ماكنا هنتهبب ليترنح
ويتصنع التعب .جلبي جلبي ھموت ولدي عايز يجهرني .
اندفعت هيا... .لاه والنبي ماتزعل حالك يا ابوي بالله عليك خلاص خلاص حجك عليا .التفتت لمسعد خلاص يا مسعد ماتزعلهوش .
هتف مسعد ماهزعلهوش وازعل ربنا .اني جولت وخلصت ضميري شيل شيلتك يا ابوي هتتحاسب البت دي اخرتها حزن بطريجتك دي شيل وعبي وكيل ذنوب واجف جدام فطره ربنا بين حال بنتك لاجل الرجاله تيجي وتعاين واللي يدفع اكتر يشيل ..فوضت امي لله
