جناين الرمان جزء ثالث الاخير

يشوف الباب الحديد لو حد شافه هتحصل مشكلة كبيرة وأتطرد من الشغل اتفقنا انا وصبحي ان انا وهو هنروح ونفتح الباب ونشوف ايه اللي مستخبي تحت الأرض نمت عند صبحي في أوضته.. أه صح مقدرتش انام ما انا طول الليل مركز وبفكر في كل اللي بيحصل معايا من أول ما جيت هنا كان لازم أواجهم من يوم من عرفت الحقيقة أنا دلوقتي شاكك انهم عاوز يخلصوا مني قعدت عند صبحي لحد ما النهار طلع كان لسه صبحي نايم اتسحبت ومشيت جريت على جناين الرمان خبيت العدة اللي كنا هنكسر بيها الباب.. خبيتهم جوه الأوضة وقتها افتكرت المفاتيح اللي لقيتهم في الجنينة أخدت المفاتيح وروحت عند الباب الحديد وجربت عليه المفتاح التاني اتفاجئت لما لقيت الباب اتفتح بس المكان تحت ضلمة أوي وانا خاېف أنزل لوحدي بعد ما فكرت شويه نزلت شغلت كشاف الموبايل ونزلت علشان أعرف الباب ده بيودي على إيه.
نزلت بس اللي شوفته تحت لا يمكن حد يصدقه أنا واقف وسط مقپرة أثرية كاملة كان فيه تابوت وتماثيل صغيرة وكل حاجة بتبقى موجودة في المقاپر الفرعونية وكان فيه عدة حفر.. لكن أغرب حاجة لقيتها هي مسډس عادي ملوش علاقة بالمقپرة الفرعونية وجمب المسډس كان فيه عمة بتاعت راجل صعيدي هنا فهمت كل حاجة والصورة وضحت قدامي.. أكيد العمة دي بتاعت فرحات والمسډس كمان والمفاتيح دي هي اللي كانت معاه بس ليه بعد ما قتلوه مأخدوش المقپرة وليه يسبوها مكانها زي ما هي كده دول يا إما بيخططوا لحاجة أو ميعرفوش مكانها أصلا.
خرجت من المقپرة بسرعة وغطيت الباب بالقش وحطيت السلاح في جيبي ما انا خرجت بيه... جه صبحي قالي
يله يا احمد نكسر الباب اللي لقيناه امبارح
لا مش هينفع دلوقتي أحسن حد يشوفنا انا غطيت الباب بالقش احنا نيجي بالليل علشان نعرف ناخد راحتنا ونعمل اللي احنا عايزينه في الضلمة... اه وكمان أوعى حد يعرف باللي حصل ولا تجيب سيرة لحد عن الباب ده لحد ما نعرف إيه اللي وراه.
أصلا صبحي بطبعه غبي وسمع الكلام اللي انا قولتهولهو ورجع مزرعة الخضار شوية وروحت الفيلا عند عم حسين دخلت وراه الكشك بتاعه ورفعت عليه السلاح كان جوايا اسئلة كتيرة أوي قوتله
لو اتحركت من مكانك ھقتلك.. كل اللي انا عاوز أعرفه ليه قتلتوا الغفير فرحات كان عملكوا إيه عملتوا فيه إيه بالظبط ويترى هتقتلوني انا كمان ولا هتعملوا فيا إيه.. أنا مش همشي من هنا اللي لما أعرف كل حاجة... دا انا هوديكوا في داهية.
يا ابني اهدى بس ونزل السلاح خلينا نعرف نتفاهم.
انطق بقولك.
حاضر انا هقولك كل حاجة فرحات ده مكنش راجل سهل هو أصلا من