الليل الحزين
ده قادر يقرأ افكارى ده غير أن كلامه طلع حقيقة والعمدة فعلا وضب له البيت لولا أن أنا اللى مخطط للموضوع كله كنت افتكرته راجل مبروك بجد بس الاكيد أنه يعرف حسن وكمان هناء ظهرت له وهو شافها وابتسم لها أنا مش قادر استوعب كل ده
الشيخ.....
تمام يا عمده أنا مقدر كرمك وقابل هديتك بس أن شاء الله هعيش هنا بعد ما اخلص المهمه اللى جاى علشانها لكن حاليا يفضل أني أفضل قريب من الترعه والمدافن
العمده....
مدام أنت شايف كدا يبقي واجب الضيافة يوصلك من بيتي كل يوم ده كفايه أنك هضحي براحتك علشانا
اتفضل الغفير هيوصلكم وبعدين هيجيب الغداء ويحصلك ع طول
الشيخ.....
يدوم الكرم يا عمده ربنا يقدرني وأرد لك واجب الضيافة
ومشيت أنا والدكتور ممدوح وأنا حاسس أن دماغه مليانه اسئله وبقي كل شويه يبصلي وكأنه عاوز يسأل بس مش عارف يبتدي منين وطبعا مكنش ينفع اجاوب ع أى حاجة دلوقتي خالص مش لازم حد يعرف حاجه حتى لو كان الدكتور ممدوح
وصلنا المستشفى بعد ما الغفير وصلنا ونفسي اسأل الشيخ بس أنا عارف أنه مش هيجاوبني
لقيتها ....أنا هسأل محمد الممرض واعرف منه الراجل ده مين ويعرف حسن منين
محمد الممرض..... خير يا دكتور كنت طلبتني
دكتور ممدوح.....
مش العمدة جدد بيت الحج عتمان وفرشه من جديد وعطاه هديه للشيخ إلا بصحيح هو اسمه ايه
سلامتك يا دكتور إسمه الشيخ المغازي إزاى تنسي إسم الراجل البركه ده يا سلام يا دكتور لو عمل المعجزة دى ورجعنا تاني نخرج بالليل
دكتور ممدوح.....
بركه ايه أنت هتجنني بقولك بقلم رشا منصور أنه خد البيت بتاع حسن واخواته أنت جايب واحد ومتفق معاه تطلعوا بمصلحه بس أنا عمري ما اسمح بكدا أنت فاهم
كنت مبسوط من جوايا أن الدكتور خاېف ع حق حسن واخواته البنات بس مكنش ينفع أنطق ممنوع أفهمه أو اعرفه أى حاجة لان أصلا عقله مش هيقدر يستوعب الحقيقه
الشيخ.....
كنت واقف في بلكونه الاستراحه وعارف أن الدكتور ممدوح اكيد نزل يتكلم مع محمد ولقيت هناء قاعدة ع طرف الترعه بملابس خفيفة عرفت أنها ناويه تضحي بحد جديد نزلت لها بسرعه مينفعش حد يشوفها ولا تعمل أى حاجة احسن بعدين ينكشف أمري ولقيت فجأة
الكاتبه
رشا_منصور
الجزء الثاني عشر
شبح_الليل_الحزين
الشيخ.....
ولقيت فجأة الدكتور ممدوح قدامى بيقولى نازل تجري رايح ع فين يا عم الشيخ
قولت له مش وقتك خالص سيبني قبل ما كل اللي بنعمله يتهد وخرجت بره المستشفى وشاورت ل هناء تنزل الترعه نزلت وقربت عليا مكان ما أنا واقف وبصتلي وبصت ناحية المستشفى شوفت الدكتور ممدوح واقف
ومشيت علشان ادخل المستشفى لقيت
دكتور ممدوح......
أنت ازاى شايفها وبتكلمها أنت تعرفها منين ما تقولي أنت مين
الشيخ....
فات الكتير ما بقي إلا القليل وهتعرف أنت وكل أهل البلد كل حاجه
دكتور ممدوح.....
ع فكره اوعي تكون متخيل أني هسيبك تنصب عليهم وتاخد البيت منهم ده حق أيتام أنا بس ساكت لحد ما يوم الجمعه يعدى عارف ليه
لأن أكيد هتتعرف الحقيقة وهيعرفوا أنت مين واكيد البيت هيتاخد منك استحاله العمده هيسيبك تتهني بالبيت بعد ما ضحكت عليه
الشيخ.....
بس أنا مش ضحكت ع حد أنا جاي علشان اخلص البلد من النداهه وده اللى هعمله غير كدا مش مطالب منى أنى اشرحلك أى حاجة وسيبته وطلعت الاستراحه وبصيت من الشباك وقولت في سري يا حسن يابن عتمان اظهر وبان ورد ع سؤال الحيران
حسن.....
سمعت نداء الشيخ وظهرت عند الترعه وناديت ع الدكتور ممدوح مالك يا دكتور حيران ليه متفكرش كتير هانت خلاص وهتعرف إجابة كل سؤال
دكتور ممدوح.....
هو سؤال واحد عاوز أعرف اجابته منك أنت واثق في الشيخ ده يعني تعرفه كويس ولا هو دجال
حسن.....
ضحكت ما أنا فاهم الدكتور قلقان ع البيت خاېف أن حقي يضيع مرة تانية بصيت له وقولتله
أنا مطمن لأنى واثق أنك هتعمل كل اللى هتقدر عليه علشان ترجع ليا حقي علشان كده بقولها لك يا دكتور أطلع نام واطمن بقلم رشا منصور البيت كان ملك أبويا لكن بعد ما ماټ بقي له مالك جديد هو بس اللى من حقه يعيش فيه
دكتور ممدوح....
ع العموم أنا هعمل كل اللى هقدر عليه خلي بالك من نفسك
يا حسن أنا معرفش بعد ما الحقيقة تظهر ايه هيحصل معايا ده مش بعيد يحبسونى بتهمه الڼصب والاحتيال واكيد هخسر وظيفتي ك طبيب أنا مش زعلان ع نفسي أنا زعلان لأن ده كان حلم أبويا
وڠصب عني نزلت دمعه من عيني
حسن.....
أنا واثق أن أبوك فخور بك أنت نعم الإبن ونعم التربيه عارف لو كنت جيت البلد من زمان يمكن مكنش كل ده حصل ويمكن كان زمان هناء عايشه بينا وكنت وقتها خطبتهالك ولا كنت هتقولى أنكم مش أد المقام
دكتور ممدوح.....
مقام ايه يا حسن اللى بتقول عليه أنا إنسان ع أد حالي زيك وأبويا راجل بسيط ويمكن لو كنت اتقدمت لك كنت أنت اللي رفضتني أنا معنديش شقه ده غير مرتبي لسه بسيط صعب يفتح بيت
حسن..... أعمل اللى عليك ربنا مش بيضيع مجهود حد
دكتور ممدوح......
ونعم بالله العلي العظيم
يلا هسيبك قبل ما حد يشوفك ووقتها هيبوظ كل حاجه
سبت حسن وطلعت الاستراحه ولقيت الشيخ قاعد وقالي أنا هنام يابني علشان أقدر اصحي لصلاة الفجر قولت له ربنا يتقبل ياااااا وسكت بصلي وابتسم
الشيخ....
كنت حاسس ومتأكد أن الدكتور ممدوح مش مطمن ليا رغم كلام حسن له واضح أنه فعلا منبعه نضيف وخاېف ع حق حسن من غير ما يفكر في وظيفته اللى ممكن يخسرها
دكتور ممدوح......
تاني يوم أشرقت شمس يوم الخميس ونزلت كالعادة لحجرة الكشف لقيت عم بدوى التمرجي جايب ليا الفطار وقالي عم حافظ بيقولك أنك تاخد كل يوم فطارك من عنده ببلاش حلاوة ما بتساعدنا
ولقيت الغفير جاي ووراه ست شايله صنيه كبيرة وقالي يا دكتور حضرة العمده باعت ل حضرتك ول سيدنا الشيخ الفطار وأن شاء الله ع العصر هيكون الغداء عندك
قولت له طلع الأكل فوق للشيخ
ولقيت عم بدوى التمرجي بيقولى ولسه يا دكتور أول ما اللعنه تحل من علينا هتلاقي خير كتير من أهل البلد أنت إبن حلال وتستحق كل خير
سكت مقدرتش أرد المفروض أقول ايه أن بكره هيكون آخر يوم ليا في مجال الطب وأن حلم أبويا انتهي وأنى بدل ما اخد لقب دكتور هاخد لقب مسجون طب وأختى يا تري سمعتها هتبقي ايه وسط
الناس ومين اللي هيجوز واحدة اخوها رد سجون خرجت من المستشفى وروحت قعدت عند الشجرة وشايف قدامى شريط حياتي وتعبي في المذاكرة والشغل وقولت يارب أنت مترضاش بالظلم دبر لي أمري وتولني في من توليتهم برحمتك الواسعه
فجأة سمعت صوت بيقول تعالى المدافن مستنيك
ده صوت غريب عليا بقلم رشا منصوربس مش عارف ليه قومت فعلا وروحت دخلت المقاپر بس مش عارف امشي في أى اتجاه ولقيت قطة ظهرت ليا وصوت همس بيقول امشي معاه هو هيدلك ع الطريق بقيت ماشي وأنا حاسس أنى ابتديت أول خطوة في طريق الجنان يلا هى خربانه اهو اكون مچنون اشرف من أنى اكون مسجون
فجأة القط وقف ع رجلين اتنين بس وبص ليا والټفت ببص هو شايف ايه لقيت راجل كبير بجلباب أبيض قاعد جنب المډفن وببص ع القط بصلي واختفي فجأة
ولقيت الراجل العجوز بيقولى اقعد يابني قرب واسمع مني ومتخافش
قعدت ع الأرض قدامه قالي مسألتش نفسك ليه ربنا حطك في السكه دى أنت من البندر والمفروض متبقاش هنا ومحاولاتك في النقل فشلت وبعدت مسافه طويله عن أهلك وجيت في قريه اهلها ناس جاهله وع أد حالهم كل تفكيرهم ازاى يوفره قوت يومهم تفتكر كل ده حصل ليه
بصيت له وسكت
قالي ربنا له حكمه في كدا ربنا جعلك سبب في خلاص الناس من الظلم تفتكر يابني أن ربنا هيسيبك ټتأذي وتتظلم وأنت ناوى خير توكل على الله وسيب كل حاجه ل ربنا ومتفكرش كتير ده ربنا يابني بيغير الحال في لحظه قوم يابني شوف شغلك وافطر مع الشيخ واطمن من ناحيته
وهنا لقيت القط ظهر تاني والراجل العجوز شاورلي علشان اتبع القط قومت ومشيت معاه وخرجت من المقاپر وأنا مطمن ع رغم أنى مش مستوعب أنى كنت قاعد مع شبح وماشي وراء جن ودخلت المستشفى وطلعت ل عم الشيخ
بصلي وسكت ابتسمت له يمكن أول مرة اعملها من أول ما شوفته وقولت له صباح الفل يلا علشان نفطر سوي
الشيخ.....
ابتسمت للدكتور ممدوح وقولت له أنا كنت مستنيك يلا نفطر ولقيت محمد الممرض دخل وقال فطروني معاكم وقولت له أخبار الدنيا هناك ايه قالي تمام كلهم بيسلموا عليك وبيطمنوك
دكتور ممدوح.....
طبعا مكنتش فاهم حاجه من كلامهم بس المرة دى مكنتش مهتم أنى أعرف وفجأة لقيت
يتبع.....
الكاتبه
رشا_منصور
شبح الليل الحزين
الجزء الثالث عشر
دكتور ممدوح.....
طبعا مكنتش فاهم حاجه من كلامهم بس المرة دى مكنتش مهتم أنى أعرف وفجأة لقيت محمد قام وقف وقال أنا نازل أجيب الطلبات من السوق أنت هتحتاج أى حاجة يا دكتور الأيام الجايه قولت له حاجه ايه مش فاهم
قالي قصدى نوع أكل معين أو شاى قهوة أى حاجة
أصل إحنا قررنا بعد ما الموضوع ده ما يخلص نقعد نجمع كلنا ونعمل عشاء جماعي المهم محتاج أى حاجة
قولت له لو عددنا كتير يبقي هنحتاج شاى وسكر وكريم حلاقه معلش أنا مش عارف لسه أجيب منين وطلعت فلوس وبديها له
محمد الممرض.....
أنت بتعمل ايه يا دكتور وفر فلوسك خليها معاك عم الشيخ عازمنا كلنا
دكتور ممدوح.....
بس أنا معايا فلوس الحمد لله ومينفعشي الشيخ يدفع كل حاجه لوحده وكمان العمدة بيبعت أكل كتير يعني أكيد هيكون في أكل أومال أنت هتجيب ليه
الشيخ....
هو ينفع لما واحد يبعت لنا حاجه نقوله لأ الأكل مش كفايه ابعت تاني ميصحش يابني وكمان أفرض أنه بكره أن شاء الله مجبش الغداء ع أساس أن بعد الموضوع ما يخلص يعزمنا عنده ينفع بقي إحنا نقوله هات لنا أكل وكمان يابني مافيش حاجه هتخسر إحنا نجيب ونحطه في التلاجه واهو ينفع أى حد يابني
دكتور ممدوح.....
كلام الشيخ اقنعني بصراحه علشان كده طلعت فلوس زياده وقولت له أنت عارف أن بقلم رشا منصور العمدة كان مديني فلوس خليني أنا أدفع أنت مهما كان جاى لمهمه محددة وملكش ذنب تدفع حاجه من معاك
الشيخ.....
بصيت ل محمد الممرض وضحكت وبعدين قولت ل
