الليل الحزين

مع بعض اتفضل معايا
دكتور ممدوح....
دخلت معاه ولقيت سفره كبيرة وقعد العمدة وشيخ البلد وعصام وماجد وأنا بقلم رشا منصور وكان الأكل كتير جدااا يمكن يكفي شارع كامل قولت له يدوم الكرم يا عمده بس ليه كل ده 
العمده.... 
هو إحنا كل يوم بيجيلنا دكتور من البندر ده أنت نورت بلدنا ده أنت مش هتعالج أهل البلد وبس ده أحنا يمكن نتعلم ونستفاد من بركاتك وأنا تحت أمرك في اللى تطلبه عاوز فلوس ولا أرض ولا بيت أنت بس اطلب وأنا انفذلك طلبك 
دكتور ممدوح......
ليه كل ده مش فاهم هو أنا عملت ايه علشان استحق كل ده 
العمده.... 
أنت معملتش صحيح لكن هتعمل لنا خدمه كبيرة أوى بص يا دكتور أنا راجل أحب أفيد واستفيد يعني زى ما أنت هتعملي خدمه أنا كمان هديك تمن خدمتك دى وزيادة قولت ايه 
دكتور ممدوح..... 
والله يا حضرة العمده كلامك حلو يوزن الدماغ وأنا مش هكسفك قولي ايه الخدمه اللى عاوزها مني 
العمدة ....
أنا عرفت أنك بتقدر تخرج بالليل وتمشي في البلد ومن كلام الغفير قال إن النداهه طلعت قدام أهل البلد وكلمتك وأنت قدرت تصرفها من غير ما ټأذي حد يعني طاوعتك وسمعت كلامك صحيح الكلام ده
دكتور ممدوح..... ايوة صحيح
العمدة.... أنت بقي مخاوى ولا لك في السحر
دكتور ممدوح....
أعوذ بالله من الشيطان الرجيم أنا دكتور علم وماليش في شغل الدجل والسحر أنا هقولك ع حاجه حصلتلي من وأنا صغير وهى السبب
في اللي بيحصل دلوقتي 
وانا صغير كان لنا قريب شغال صياد عشقته جنيه مياه وكانت عاوزة تاخده معاه وهو كان متجوز وعنده اولاد بابا راح لشيخ معروف عندنا ان له كرمات وعنده خدام من الجن حكي بابا للشيخ كل حاجه وأنا كنت معاه وروحنا كلنا عند قريبي الصياد وكان له مركب صيد كبيرة قعدنا معاه والشيخ قدر يتواصل مع الجنيه وظهرت له المهم حاول معاها تبعد بالمعروف رفضت وحطت شرط
وقالت عاوزنى ابعد أخد واحد مكانه المهم في وسط الكلام فضلت تهز المركب والموج ارتفع جامد و أنا وقعت في البحر ومحستش بحاجة وهى نزلت واختفت الشيخ عمل تعويذة ووصي خدامه طلعونى ورمي عليا التعويذة بأن مافيش أى جنيه ميه تقدر تأذيني وان أى حد منهم يحاول
أذكر ع طول اسم الشيخ المغازى لأن وقتها التعويذة تشتغل تانى وده اللي عملته مع النداهه 
وخدت منها العهد أنى في أمان منها واى شخص يكون معايا سواء صبح أو بالليل 
بس أدى كل الحكايه يا حضرة العمده
العمدة..... 
يعني أى حد يقول إسم المغازي هى متقدرش تقرب منه 
دكتور ممدوح..... 
ضحكت وقولت له لأ طبعا لازم الشيخ يلقي عليه التعويذة الأول بنفسه بقلم رشا منصور علشان بعد كدا أول ما تقول اسمه في أى وقت التعويذة تشتغل 
ولو عاوز تحل ازمة أهل البلد وتقدروا تخرجوا بالليل في أمان أنا عندي الحل بس الموضوع هيكون مكلف شويه 
العمدة..... 
ميهمكش الفلوس المهم النتيجه قول الحل اللى عندك 
دكتور ممدوح.... 
انا ممكن اسافر القاهره واخد بابا هو عارف الشيخ المغازى ونطلب منه يجي البلد هنا ويلقي تعويذة عليها ميخليهاش ټأذي حد تاني ايه رأيك بس أنا معرفش الشيخ هيطلب كام بجانب بصراحه أنا لسه مقبضتش مرتبي يعني 
أو ممكن تستنوا لاول الشهر لما اقبض علشان مصاريف السفر وإلا لو مستعجلين ممكن تدفعولى المصاريف 
العمدة.... 
بس كدا بسيطه ولقيته طلع من جيبه ألفين جنيه وقالي اعتبر دول مواصلاتك والباقي هات حاجه حلوه وأنت رايح لاهلك وقول الشيخ طلباته مجابه ولو تم يا دكتور ممدوح الموضوع ده حلاوتك هتبقي كبيرة عندى قولت له تمام يا عمدة أنا هخلص بكرة التطعيمات واسافر أن شاء الله وهرجع في اقرب وقت ومعايا الشيخ المغازى 
وسلمت عليهم ومشيت والغفير جه يوصلني وعصام ابن العمدة قالي أنا جاى معاك بس هنزل قبل الترعه اقف بعيد قولت له هتخاف وأنت معايا قالي عاوز اشوفك بعيني وأنت ماشي من هناك بالليل علشان اطمن بنفسي 
يتبع..... 
الكاتبه 
رشا_منصور
الجزء التاسع
شبح_الليل_الحزين
دكتور ممدوح..... 
ركبت الحنطور ومعايا الغفير وعصام إبن العمدة وفطير وقشطه وعسل هديه من العمده وقبل ما نوصل للترعه نزل عصام وكملت أنا والغفير اللى كانت سنانه بتخبط في بعضها وأول ما نزلت من الحنطور قصدت اقف عند الترعه علشان عصام يشوفني وناديت ع هناء وقولت اظهري بشكل مرعب وفعلا ظهرت قولت لها قربي عندى وعملت نفسي بكلمها و بهرج معاها وبعدين شاورت ل ابن العمدة
وقولت له سلام وشاورت ل هناء واللى نزلت في الحال ودخلت المستشفى وفضلت مستني لحد الساعة 11 بالليل ونزلت من غير ما أعمل صوت وروحت عند الترعه وقعدت ونديت براحه ع حسن بن عتمان ولقيته جاى من ناحية المقاپر وجه اقعد جنبي وقالي عملت ايه 
حكيت له اللي حصل في بيت العمدة وقولت له أنه ادانى ألفين جنيه أنا اخدت خمسمائة جنيه مواصلاتي وأنت الباقي حلال عليك ده حقك 
حسن.....
لأ لأ يا دكتور أنا مش عاوز غير أن أظهر الحقيقة للناس وبس خد الفلوس واى حاجه تجيلك حلال عليك أنت ابن حلال وتستاهل كل خير
دكتور ممدوح.....
فضلت اتحايل ع حسن وقولت له لو مش محتاج الفلوس ابعتها ل اخواتك البنات قالي اخواتى عاوزين رأسهم تترفع ويقدروا يرجعوا يعيشوا في البلد بأمان وعمر ما الفلوس ما تحقق ده 
حلال عليك يا دكتور
خدت الفلوس بس مكنتش مقتنع ومن جوايا قولت أنا هشيلهم ع جنب وبعد ما الموضوع يخلص أكيد هيحتاج للفلوس لما يرجع أخواته هنا يعيشوا معاه 
وقولت له أثناء غيابي عاوز من أختك هناء خدمة وفهمته الخطه 
وتانى يوم الصبح خلصت شغلي واخدت رقم تليفون محمد الممرض وقولت له أنابقلم رشا منصور هغيب كام يوم وهبقي اكلمك واقولك تعمل ايه بس تنفذ من غير ما تسأل قالي فاهم
وطلعت الاستراحه وجهزت نفسي للسفر واخدت معايا كام فطيرة من فطير العمده وسبت بقيت الأكل في التلاجه قولت يمكن حد يجوع بالليل يبقي يلاقي أكل وخدت بعضي وأول ما نزلت لقيت الغفير واقف بالحنطور وقالي العمدة طلب مني اوصلك للمحطه وده رقم تليفون العمده وهو كمان عاوزك تكتبله رقمك علشان وأنت جى بالسلامه مع سيدنا الشيخ اكون واقف في انتظركم في المحطة قولت له ده أنت إبن حلال واديته الرقم وأنا من جوايا بقول سهلت عليا الموضوع ع الآخر
والحمد لله ركبت القطر ووصلت ل أهلي وبعد السلامات اخدت أبويا ع جنب وحكيت
له كل حاجه حصلت صعب عليه حسن واخواته وبذات ان ابوهم ماټ مقهور ع عياله وقالي يابني ساعدهم وطول ما أنت ماشي في طريق الحق متخافش ربنا معاك ويحفظك من بطشهم بأذن الله
وتانى يوم طلعت ع المستشفي الخاص وقبلت المدير وقولت له أنا اجازة خمس أيام ممكن اشتغلهم واخد حقهم وأنا ماشي لأن حضرتك عارف أنا لسه هناك مقبضتش مرتبي وافق وفعلا اشتغلت وزودت في ساعات العمل وقالي أنا عملك عقد يوميه وفى اى وقت تقدر تشتغل حتى لو يوم واحد هتاخد حقه وبعد
يومين بالظبط لقيت العمده بيرن عليا مردتش عليه وع بالليل كان اتصل إكتر من خمسين مرة ورديت
قولت له أنى مكنتش عاوز أرد إلا لما اوصل لطريق الشيخ المغازي اصله ساب القاهره ولسه واصل مكانه الجديد في الاسماعيليه وطول اليومين اللى فاتوا وأنا دايخ بدور عليه لقيت العمده بيقولى
الحقنا يا دكتور طول اليومين اللى فاتوا الدنيا هاديه إنما انهاردة النداهه ظهرت بالنهار ومش بس كدا ده معاها عفاريت وقطعوا ع الناس الطريق وفي ناس لحد دلوقتي محپوسه جوه المستشفى خايفين يخرجوه وفي أصوات مرعبه ورزع ع الشبابيك وصوت صرااااخ إحنا مش فاهمين اللى بيحصل لكن هى قالت مدام الدكتور مشي يبقي محدش هيخلصكم من ايدى قولت له معقوله إزاى تجرأ تعمل كدا أنا هستني أول ما الشيخ يظهر هجيبه ع طول علشان يخلصنا منها 
العمدة قالي....
مش أنت قولت يا دكتور انك قدرت توصله
دكتور ممدوح......
ايوة فعلا قدرت اوصل ل مكانه لكن السكرتير بتاعه بيقولى هو في الخلوة بتاعته ومتعود يتصل عليه كل يومين تلاته أنا هستني هنا هنام ع البلاط المهم اكلمه واخليه يحضر معايا مينفعش اسيبكم تتبهدلوا كدا إحنا بينا عيش وملح
العمدة...... 
الله يكرمك يابني حاول ع أد ما تقدر توصله وتجيبوا وأنا تحت أمره في أى حاجة بس يخلصنا منها قولت له حاضر يا عمده
واتصلت ب محمد الممرض قولت له المطلوب منه ولازم يكون واقف في المحطه جوه قبل وصول القطر بربع ساعة ع الأقل ومينفعش حد يشوفه وخصوصا غفير العمده قالي تمام بس يا دكتور أنا جوه المستشفى ومش عارف أخرج ومعايا ناس كتير هنا بردو ده إحنا خايفين نفتح الشبابيك من كتر الأصوات المفزعه وصړيخ وكأن حد بيحدف علينا طوب ومش عارف هنفذ طلبك إزاى
دكتور ممدوح روح اقف عند الشباك قدام الناس وعلي صوتك وقول أنا محمد الممرض والدكتور ممدوح بيقولك ادينا فرصه يوم واحد نخرج فيه ومش هنرجع هنا تاني بأمر سيدى الشيخ المغازي
وفعلا نفذ وهناء فهمت والدنيا هديت ومن الفجر الناس سابت المستشفي والكل حكي اللى حصل والناس تقول الدكتور ممدوح من أهل البركه والعمدة فرح أنها پتخاف من الشيخ المغازي والدنيا هديت يومين كاملين وبعدين رجع الصوت افظع من الأول والناس فضلت قافله ع نفسها البيوت صبح وليل ولقيت العمدة بيتصل عليا تاني وأنا كنت في طريقي للشغل رديت عليه وقولتله اهو أنا بايت في الشارع أهو يا حضرة العمده وحالف ما أنا ماشي إلا والشيخ معايا قالي يابني ربنا يكرمك ده طلعت پتخاف منه ومنك أوى لما سمعت المكالمه بتاعه محمد الممرض بطلت تعمل هيصه بس رجعت تاني يابني قولى نعمل ايه احنا محبوسين في بيوتنا والناس مش عارفه تشوف اشغالها قولت له طب تعرف تروح لها يا حضرة العمده هناك
العمدة.....
ليه هو أنا اتهبلت أروح لها برجلي أنا مش منقول من مكانى لحد ما ترجع سلام
دكتور ممدوح.... 
اتصلت ع محمد الممرض وبلغته ع ميعاد وصولي علشان ينفذ اللى اتفقنا عليه .
يتبع .....
الكاتبه 
رشا_منصور
الجزء العاشر
شبح_الليل_الحزين
اتصلت بالعمدة ابلغه بأني جاى البلد ومعايا الشيخ بكره وهكون عنده ع العصر يبعتلي الغفير يقف بالحنطور قدام المحطه بره واتفقت مع محمد الممرض يقف عند قدام آخر عربه في القطار ومعاه اللى اتفقت معاه عليه الشيخ المزعوم وفعلا أول ما شوفته شاورت للشيخ ركب القطر ومشي معايا ونزل معايا قدام الكل ومشينا سوى وخرجنا بره المحطه
وشوفت الغفير اللى جري علينا وباس ايد الشيخ ويقوله بركاتك يا مولانا ربنا باعتك نجده لنا الشيخ المزعوم طبطب ع كتفه