وتين بقلم ياسمين الهجرسي الجزء الاول

اللى ارفع راسى بيه..
بص يابنى هعمله فين 
هعمله في فيلا انا خليت قاسم اشتري فيلا كبيره في كمباوند بكذا ملحق عشان يلم العيلتين فيهم ويبقوا كلهم حوالين بعض ميبقاش حد بعيد عن التاني...
لانك انت وكريمه مش هتستحملوا بعد راكان
ولا احمد الشاذلي وابرار هيقدروا يخسروه بعد ما ربوه العمر ده كله .
اتفقت مع قاسم ان هو والشباب هيظبطوا كل حاجه ... المصورين يكونوا من السوشيال ناس معروفه وصحفيين من جرائد محترمه.
وفي الاول والاخر انا عملت ده كله علشانك انت عشان كرامتك ووضعك قدام الناس واولادك يعرفوا انك سند لهم حاول تغير من نفسك عشان خاطرهم وكريمه ما تستاهلش انك تظلمها اكثر من كده.

نظر له جلال وهو يفكر في ما يقوله والده وهز راسه وانحنى يقبل يد والده وتحدث 
ربنا ما يحرمنيش منك يا حاج واوعدك اني اغير من نفسي واحاول اعيد حساباتي....
انا الكام يوم اللي فاتوا وانا لوحدي تعبت و كان احساس وحش قد ايه مر عليا الوقت صعب و طويل ...
ضيق الحاج محمد ما بين حاجبيه وامسك كف يده وضغط عليه...
وهو يجبر جلال على النظر له وتحدث  
انت ازاي تعبت لوحدك وازاي ما حدش بلغني وايه اللي جرى لك.
امسك جلال يد والده ورتب على كتفه و تحدث بصوت حنون لكي يطمنئه علي حالته الصحية ...
اهدى يا حاج محصلش حاجه كبيره كل الموضوع ان جاتلي غيبوبه سكر مفاجاه وانا في الارض والعمال نقلوني المستشفى وخرجت بعد يومين وزي ما انت شايف انا زي الفل وواقف معاك كمان .
ربنا يشفيك يا ابني وياخذ من صحتي وعمري ويعطيك ويخليك لاولادك يا حبيبي
رد عليه جلال وهو يسند راسه على كتف والده وتحدث  
ربنا ما يحرمني منك يا بابا انا من غيرك ما اسواش اي حاجه في الدنيا ...
انا اي نعم بافضل اناكف واناقر فى حضرتك واعترض على حاجات كثير حلوه انت عملتها في حياتي ..
بس ده عشان اداري فشلي وما اخسرش شكلي قدام كريمه و اولادي ...
استقام واقفا شوف حضرتك حابب المؤتمر يكون امتى وانا معك في كل حاجه وتحت امرك ....
بعد اذنك انا هطلع غرفتى عشان ارتاح ويلا عشان اوصل حضرتك لغرفتك انت كمان عشان ترتاح زمان الحجه مش عارفه تنام من غيرك ..
ومد يده لكي يساعد والده على النهوض واخذه وصعد به الدرج وقف ينتظر والده حتى دلف الى غرفته وذهب هو ايضا الى غرفته.
دخل الحج محمد وجد زوجته الحاجه فردوس تصلي وتبكي... وهي تناجي ربها ان يهدي لها ولدها..
عندما راته ختمت صلاتها لكي تطمئن على ولدها الوحيد وفلذت كبدها ...
اقتربت منه وهرولت اليه وامسكت يده .. فين جلال يا حاج اوعى تكون طردته من الدوار 
وقفت تنظر له في توجس تنتظر رده.. 
ابتسم لها وانحنى يقبل راسها وهتف  
الحمد لله ربنا استجاب لدعائك وهدى جلال وتبدل حاله كانه خلق من جديد.
انا هاروح اصلي عشر راكعات شكر لربنا يلا انت كمان يا حاج عشان تصليهم معايا .
ابتسم لها الحاج محمد وهز راسه ودخل غرفه الحمام الملحقه بجناحه يتوضأ وخرج ليقضوا صلاتهم.
اما في نفس الاثناء في القاهره الساحره
كان الوضع مختلف في مجموعه الشاذلي جروب للاستشارات القانونية
كان الشباب يجتمعون في مكتب زياد
تحدث يونس بلوم وعتاب علي زياد 
انت قولت انك هتجيب مهندس كويس يركب الكاميرات وهيلتزم بتعليمات وهينفذها
وانا لما رجعت امبارح من بره شوفت الكاميرات في ممر الغرف ..
اخدني الفضول اشوفه مركب في الغرف كمان لقيته مركب في غرفه راكان
قولت ادخل اتاكد من غرفه وتين لقيته مركب فيها كمان ...
اتصلت عليه وضيع الليله كلها في فصل السيستم من غرفه وتين ولحد ما رجعت كل الكاميرات واتاكدت بنفسي انها انفصلت منها كان الفجر بياذن الله يسامحة غبي .
رد عليه يعقوب كويس انك اخدت بالك لان لو كان راكان عرف كانت هتبقي حكايه ..
هي وحشته اه بس اكيد مكنش هيحب انه ينتهك حريتها ...
والحمدلله انه مركبش في ممر غرفه معالي المستشار كان اقام علينا الحد .
رد عليهم زياد بتاكيد لكلامه هو فعلا حصل غلط منه بدون قصد اكيد...
عندك حق هو اه بيحبها بس بېخاف ربنا فيها ..
وكان هيتحرم