نبضات هادئة بقلم ياسمين هجرس

والفضل يعود الى حضڼ والدتها.
في نفس الأثناء كان راكان يجلس مع صفا يتحدثون فيما حدث بينها وبين يونس .
اردف قائلا 
طبعا أنا من يوم حفلة البارتيشن مش عارف اتكلم معاكي.. قلت اسيبك لحد ما نفسيتك تهدى.. صدقيني يونس مظلوم واللي عمله ده عمله ڠصب عنه.. أوقات الظروف بتحطنا تحت ضغط لازم نختار حاجه من الاثنين ...
وقبل أن يكمل حديثه ردت عليه قائلة 
أنت أخويا الكبير ويمكن مش المفروض أقول لك الكلام ده بس إللي هقوله ده صدقني هيريحك ويريحني.. أنا مش هنكر أنى حبيت يونس ولا هكابر و هقول لك انه ما اعترفش ليا بحبه.. لا اعترف بحبه وغيرته عليا كانت بتوضح وتثبت حبه.. بس مهما كانت الأسباب طعڼة الحبيب بتكون اقوى بكتير من غدر الغريب.. بس إللي برده حبه إنك تعرفه عنى أن أنا مش البنت إللي تقع بسهوله أو يهزمها حب.. مش أنا إللي قلبها يتحكم فى مصير حياتها.. صدقني أنا مؤمنه بالقضاء والقدر.. وعارفه أن إللي حصل ده نصيب.. وأحب اطمنك أكثر عشان قلبك يرتاح من ناحيتي.. أنا مش عايزه أعرف هو عمل معايا كده ليه ولا عايزه أعرف مبرراته.. فصدقني يا أبيه ارتاح من ناحيتي خالص.
ابتسم راكان على عقل هذه الفتاه التي تأبى الانكسار.. وترفض أن يرى احدا ضعفها حتى ولو كان اخوها الوحيد.
ابتسم لها بحب قائلا 
ربنا يحميك ويحفظك ويكملك بالعقل.. بس ده ميمنعش أنى شايف نظرة حزن فى عنيكى..
صمت لبرهه وابتسم بخبث هاتفا 
ولا مستكبره أن اخوكى يشيل عنك همك .. ولا يكون غيابى عنكم قوى قلبك إنك مش محتاجه صدر اخوكى تترمى فيه وتفضفضى له عن تعبك.
جحظت عينيها وصدمت من رده لتجيبه معقبه بلهفه 
إزاى حضرتك تقول كده.. ده أنت الأمنيه إللي كنت بتمنى ربنا يحققهالى عشان اتسند عليك ياأبيه.. 
ترقرت الدموع بعينيها واستطردت 
كل الحكايه أن متعودتش اترجم مشاعرى كلام.. أنا لما كانت حاجه تضايقني أو توجعني أجرى احبس نفسى فى غرفتى أعاتبها وأحاسبها وأريح نفسى بنفسى لحد ما أهدى وأخرج ليهم وأنا فى كامل قوتى .. متعودتش لحظات انهيارى حد يشوفها .. كنت بحاول مبينش ضعفى عشان خاطر أمى تستقوي بيا ..مكنتش حبه ازيد عليها همها كفايه عليها بابا وغيابك.. فبقى ده طبعى..
ارتسمت ابتسامه مهزوزه على ثغرها وهتفت 
أنت عارف أنا لما كنت اضايق جدى كان
عامل ليا مكان بدرب فيه على النشان.. كنت بحب اروح هناك وأخرج وجعى فى الهدف اللى قدامى .. 
زفرت أنفاسها تطمأنه
متخافش عليا إن كنت الأول قويه قيراط.. فى وجودك بقيت أقوى أربعه وعشرين قيراط..
مسد على يدها وسحبها إلى أحضانه بحنان مردفا 
ع كلمه يطى يا صفا 
بعد قليل من الوقت خرجت من أحضانه تتنفس الصعداء تمسح بكفيها على وجهها لتستعيد رابطة جأشها.. فقط النظرات هى من تتحدث..
اكتفى راكان فقط بالتأمل فى وجهها وفهم عليها وجوب الصمت إلى هذا الحد.. منظرها قطع نياط قلبه.. أجلى صوته يمازحها ليخفف من الأجواء بينهم 
ايه رأيك هفضى نفسى يوم وأخدك النادى معايا ندرب سوا على الرمايه أنا بقالى كتير مدربتش ..
صفقت بسعاده وابتسمت هاتفه 
أنت بټضرب ڼار ياأبيه .. 
ياحلاوتك ياكبير.. ما هو أنا مش هجيبه من برا.. جدى عمده وأبويا لواء وأخويا مستشار ..
رفرفت بأهدابها بشقاوه واستقامت وهي تبسط زراعها تعلقها فى زراعه قائله 
يلا عشان نحضر السفره للاكل.
استقام واقفا عينيه تحتضن ملامحها التى تحاول جاهده أن تكون بخير ليحدث نفسه 
ياخربيت عقلك يا صفا مسبتيش حاجه من يونس نفس عناده وكبريائه.. ووجعه غالى عليه قوى.. وفى عز ألمه يضحك عشان ميشيلش حد همه.. وأنا الوحيد اللى مسموح ليا أنى اكسر الحاجز ده.. ربنا يقوينى عليكم واعرف أجمعكم من تانى..
ذهب معها وهو يتلفت حوله يبحث عن وتين 
تجول بعينيه فى المكان و ضيق ما بين عينيه مردفا بتساؤل 
هي وتين فين يا صبا 
لم ينتظر ردها ثم رفع صوته قائلا حد فيكم شاف وتين .
ردت عليه صبا قائله 
هي دخلت مع ماما وجدتي جوه تعالوا نحضر ترابيزه السفره وندخل لها نجيبها نحفل عليها شويه ..
ابتسم وهو يوزع الطعام بالتساوي في الاطباق انتهوا من اعداد الطعام ومن الترتيبات.
قبل أن يدلفوا للداخل وجدوا ورده تهبط الدرج على عجاله حتى اصطدمت