مغامرات ابناء العاصي بقلم ميادة مأمون

وخرج من الشقه بل من البيت كله
لتصرخ غزل عاصي رايح فين يا بني الحقه يا عدي
عدي ماتخفيش يا غزل هايروح فين يعني انا نزله اهو
حمزه بس بقي كفايه كده انتو ايه اللي جرلكو كل يوم بمشكله
اخيرا تحدث الجد خلاص خلصتو مشكلة النهارده يا ريت كل واحد بقي ياخد مراته وبناته علي شقته جاتكم القرف في قعدتكم
جرت الفتايات علي شقتهم بينما نظر هو اليها
عاصي واقفه ليه ما تحصلي بناتك ويا ريت تبقي تعلميهم ازاي يحترمو رجالة البيت ده يا هانم
نظرت له پغضب وكادت ان ترد عليه الا ان صوت اباه اسكتها
فضالي كفايه بقى انا مش عايز خناق انتو ايه مابتفهموش ولا إيه اطلعي يا غمزه ورا بناتك يلا وسيبي عبدالرحمن هيبات هنا في اوضة زين

تركتهم جميعا وصعدت للأعلى وهي غاضبه منه جدا
نظر حمزه الي تلك الواقفه محتضنه ابنتها الصغيره واقفه كده ليه ماتطلعي انتي كمان علي شقتك يلا.
غزل لما اعرف ابني راح فين واطمن عليه هابقى اطلع
حمزه دا على اساس انه عيل صغير هايروح فين يعني يلا يا مدام علي شقتك انتي وبنتك
غزل قولت مش ها
حمزه پغضب غزللللل قولتلك اطلعي وقصري في يومك وكفايه اللي حصل بقي من ابنك
روقيه خلاص خلاص يا حمزه يلا يا بنتي اطلعي خلي اليوم ده يعدي علي خير بقي
حملت طفلتها واتجهت بها للاعلي وهي غاضبه
وقفت روقيه تلم تلك الصحون التي لم يلمسها احد من علي طاولة الطعام
وساعدها عبدالرحمن الصغير وهو ينظر لأبيه ويهتف 
علي فكره انا مارديتش اتكلم بس بنتك دي تستاهل اللي يجرالها عشان تبطل تمد ايدها علي طمطم تاني
عاصي پغضب بقولك ايه انا مش ناقصك لانت ولا طمطم بتاعتك دي اطلع من دماغي دلوقتي
جلس الصغير بجانب جده بكل عند ونظر له انا بايت في شقة جدي اطلع انت شقتك اذا كان مش عجبك كلامي
عاصي وهو يرفع حاجبه له تصدق انا فعلا هاطلع بدل ما قوم اطلع روحك في ايدي
ثم تركه وذهب للاعلي وهو يسبه بأفظع الالفاظ
عيل بن............ ابوك
بوده بصوت مرتفع علي فكره انت بټشتم نفسك
امسكه حمزه وهو يصيح فيه اخرس ياض واتلم بقى بدل ما يجي يكسر دماغك دي
ثم امسك هاتفه واتصل علي اخيه الصغير ليجد هاتفه مشغول كان الاخر يتحدث معه حين اتصل به وهو يصعد علي الدرج
عاصي لقيته
يا عدي
عدي ايوه يا عاصي احنا في البيت بتاع جدتي عند الكلاب شويه وجاين
وقف علي الدرج يتحدث معه بينما لحق به الاخر ووقف يستمع له
عاصي طيب ماتتأخروش وابقو اقفولو باب البيت كويس وراكو وانتو طالعين وهاديه شويه وقوله اني عايز اتكلم معاه
بكره انا مش رايح الشركه وهاظبطكو كلكو 
عدي حاضر يا كبير هاقوله
اغلق معه الهاتف ونظر الي اخيه
حمزه ايه لقاه
عاصي قاعدين عند الكلاب شويه وجايين
حمزه عيل غبي ديما ايدع سابقه لسانه انا مش عارف ايه اللي جرى له حتى البنات هيمد ايده عليهم
عاصي هي اللي غلطت يا حمزه احنا مش هندلع فيهم وهنسكت في الغلط كمان
حمزه العيال كبرو يا عاصي مشاكلهم كبرت معاهم واحنا مش واخدين بالنا
عاصي الظاهر كده بس ماتقلقش هاظبط الدنيا
حمزه طب ادخل ظبط اللي جوا وانا هاظبط اللي فوق
عاصي عمرهم ماهايكبرو ابدا بنربيهم مع عيالهم يلا تصبح علي خير
حمزه ههههههه وانت من اهله
تركه ودخل شقته واكمل الاخر صعوده للأعلي
وداخل شقته عم السكون جدرانها فعلم ان بناته خائفين من المواجهه فاتجه الي غرفته
فهو لا يريد ان يرهبهم اكثر من ذلك ولكنه لم يجدها فيها
علم انها بدأت تمردها وضع اشيأه پغضب علي الكمود واتجه الي غرفة ولده
عاصي ولو عايزه تغضبي اغضبي براحتك 
الفصل الرابع
جلست بجانب الصغيره في فراشها توبخها ببعض الكلمات لتهتف الصغيرة
طمطم لاءه يا مامي انا مس قولت لعاصي حاجه انا كنت فاكله بوده في المخسن معاهم ولوحت انده عليه
غزل يا سلام اومال هو عرف منين وايه اللي خلاه يطلع يضربها لو مش انتي اللي قولتيله
طمطم ببراءه يوووووه يا مامي افهمي بقى انا دخلت انده علي بوده عسان نلوح نجيب حاجه حلوه بالعثله جنيه اللي جدو ادهالي
فهو سألني جدك اداكي الفلوس دي ليه فأنا قولت ليه هو وعدي بث هو ده اللي حثل
وقف حمزة امام باب الغرفه وهتف خلاص يا حبيبة بابي ماتزعليش مافيش حاجة حصلت
جرت الصغيرة عليه وحملها بين يديه بث مامي سعلانة مني وليا مخاثمني وكمان عاثي سعلان
حمزة معلش يا حبيبتي كل حاجه هاتتصلح تاني وبعدين مين قال ان مامي زعلانة منك هي مامي بردو تقدر تزعل طمطم حبيبتها
نظرت اليه بتعجب مما قاله وكأنه برأسين هل يريد اغاظتها
ام هو لا يدري ما فعله صاحت الصغيرة وهي داخل 
طب انا عايسة انام جانبك النهالدة بقي
حمزة بحب يا سلام وانا اطول انام واميرتي في بس السرير بتاعك ده صغير عليا ايه رأيك لو ننام انا وانتي ومامي في اوضتي النهاردة
هتفت غزل بغيظ
لاء مش ليكو دعوة بمامي