رواية ۏجع الهوى

ناحية الفراش متجاهلا اياها تماما فوقفت مكانها بجمود للحظة قبل ان تدير راسها للجانب قليلا باتجاهه قائلة بخفوت وثبات 
انا هجهز نفسى علشان اروح دارنا وهقضى هناك يومين زى ما قلتلك امبارح
لم تتلقى منه ردة فعل او اجابة على حديثها فوقفت مكانها تستمع لصوت تحركاته من خلفها فتدرك بانه يقوم بارتداء ملابسه فتظل للحظة تنتظر اجابته لكن حين طال انتظارها بلا جدوى تحركت فى اتجاه الحمام لكن يأتى صوته الحازم يوقفها مكانها مرة اخرى متسعة الاعين بذهول حين قال
اعملى حسابك مفيش بيات هناك وانا اللى هوديكى واجيبك
التفتت اليه سريعا تهتف به بذهول وحدة

بس انت قلت ليا امبارح ان.....
قطعت حديثها پصدمة تضيع الكلمات منها حين رأته يقف مكانه لا يرتدى سوى بنطال اسود فتخفض عينيها ارضا تكمل بقلق وتوتر
انا عاوزة اقضى يومين العزا معاهم وانت كنت موافق على كده امبارح
ارتفعت زاوية فمه بابتسامة ضعيفة يتقدم منها بخطوات هادئة ثابتة يقف امامها يتأملها ببطء وتركيز وقد انسدل شعرها بخصلاته الهوجاء فتغطى جانبى وجهها تضم كفيها معا تفرك اناملها بتوتر فى حركة اصبح يعرف انها ملازمة لها عند توترها فوقف يتابعها بتسلية قبل ان تمتد اصابعه لتفك اشتباك اناملها قابضا عليها برقة اما كفه الاخر فقد رفعها يزيح بها خصلات شعرها خلف اذنيها ثم يرفع وجهها اليه 
ده كان امبارح.. النهاردة بقى لينا كلام تانى خالص 
ها قلتى ايه
بس انا....
مفيش بس ..هااا قلتى ايه موافقة ولا بلاها مرواح هناك خالص
تعالت دقات قلبها پجنون تحدق به بذهول تحفزها كرامتها والتى اخذت تعاركها تسألها الٹأر لها برفض اوامره واعلان تحديها لها ولكن اتت اجابتها تقضى تماما على امالها تلك حين همست برقة وتلعثم 
لااا خلاص ....انااا موافقة ....ثوانى وهكون جاهزة
ليهمس لنفسه بذهول موبخا لها فور ذهابها بعيدا عن عينيه
والله عال يا سى جلال من ليلة نامتها فى ج مابقتش عاوزها تفارقك من بعدها ..لا بجد بقيت حاجة تفرح اووى 
اما هى فقد استندت فوق الباب تتسع عينيها رهبة وذهول تضعظ اسنانها بغيظ هامسة بحنق كما لو كانت تتحدث لشخص امامها 
تقدرى تفهمينى ايه اللى هببتيه ده هااا ..ايه نسيتى كلامه ليكى ..نسيتى انه عاوز يتجوز عليكى وانتى لسه مكملتيش شهرين فى بيته
اسرعت ناحية المرآة المعلقة تنظر داخلها بشراسة وڠضب لصورتها المنعكسة بها 
ايه خلاص من كلمة ونظرة منه هترفعى الراية وتقعى مسلمة ليه اعقلى يا ليله اعقلى وكفاية اللى حصل لحد كده ..كفاية تذلى نفسك ليه بعبطك اللى هيوديكى فى داهية ده
الټفت بعيدا عن صورتها تعطيها ظهرها وهى تأكد لنفسها ما قالته بقسۏة وڠضب 
اللى حصل ده متكررش منك تانى .. اووعى تسلمى كده تانى له ابدا... كفاية كسرتك من اول يوم دخل فيه دنيتك
مش ناقصة كسرة القلب كمان اللى لا ليها مهرب ولا دوا .. 
تحشرج صوتها پألم ويأس تكمل .
فاهم ياليله ولا خلاص مبقاش ليه لازمة معاكى الكلام
وقف جلال اسفل الدرج يتطلع الى ساعته فامامه اقل من ساعة قبل موعده الخاص بالاعمال والذى كان من المفترض عليه ان يكون فى طريقه اليهم والان
سيضطر لاتصال بهم الاعتذار لساعة اخرى حتى يستطيع تنفيذ كلامه الاحمق لها بشأن ذهابه معها لايصالها لمنزل اهلها وها هو الان يقف فى انتظارها
زفر بقوة ضاغطا فوق اسنانه بغيظ يلقى بنظرة اخرى الى ساعته يلعن نفسه فلولا استيقاظه فى الصباح يضع وقته حين ظل مستلقى يستند فوق الوسادة وهو يتأمل لتلك النائمة بسلام
وهدوء بجواره افاق من تلك التيهة حين تعالى ازيز هاتفه برسالة من اصحاب موعده الصباحى لتأكد موعدهم معه فيلعن نفسه الف مرة وهو ينهض سريعا فى محاولا للحاق بالوقت لكن ها هو يقف الان ليضيعه فى انتظارها مرة اخرى 
جلال يا ضنايا واقف عندك بتعمل ايه
الټفت سريعا ناحية الصوت تلتمع عينيه بالحب والحنان وهو يرى جدته تقف مستندة بكازها الخشبى ليهرع سريعا باتجاهها ينحنى فوق كفها ثم جبينها قائلا برقة
ازيك ياجدة عاملة ايه النهاردة
رفعت الحاجة راجية كفها تربت به فوق وجنته بحنان قائلة 
بخير يا قلب الجدة طول مانت بخير بس زعلانة منك بقيت بتنشغل عنى 
اكملت تعمز بعينيها بخبث وتلاعب تضيئ عينيها بالمرح 
ايه العروسة الحلوة خلاص شغلتك عنى وخدت وقتك
ابتسم جلال لها بحنان قائلا بحنان
انا مفيش حاجة تشغلنى عنك ابدا وانتى عارفة كده
اتسعت ابتسامتها الفرحة تمسك بيده تجذبه بضعف لسير معها قائلة 
حيث كده تعالى معايا اوضتى اقعد معايا شوية لحد ما يجهزوا الفطار والكل ينزل
كاد ان يهم بالاعتذار لها لكنه القى بنظرة اخرى ناحية الدرج قبل ان يهز راسه باستسلام وهو يسير معها بخطوات بطيئة تجارى خطواتها
فى تلك الاثناء كانت ليله قد انتهت من اعداد نفسها ترتدى عبائة سوداء فضفاضة تلامس اطرافها الارض تعيقها مع كل حركة لكنها تعمدت ارتدائها مع وشاح حول شعرها فى محاولة منها لاخبار ذاتها انها لاتهتم مثقال ذرة بخروجها معه ولاانها حتى سعيدة بذلك 
لذا تحركت