وقت القدر للكاتبة ايمان شلبي
آدم باشا هي اول ما انت نزلت كانت عايزه تهرب حاولت امنعها بس هي صممت وزقتني علي الارض لدرجه ان راسي ڼزفت
كان بيتكلم بسرعه وهو بيرمش بعينه اكتر من مره وآدم بيسمعه بهدوء مريب خلي الړعب يدخل قلبه
زقه پعنف هو بيحرك رأسه يمين وشمال وبيقول بهمس وهو بيوزع نظراته ما بينه وبين مراته
قسما بالله لو طلع ليكم يد في الحوار ده مش هيكفيني فيكم عمركم
احنا لازم نختفي لفتره
..................................................
كنت ماشيه في الشارع جسد بلا روح بعد ما الشتا خلص ..
وبالرغم من انتهاء المطر إلا أن دموعي منتهتش كانت بتزيد اكتر واكتر
كان صعبان عليا نفسي اوي لاول مره احس بشعور اني عايزه اموت طول عمري بخاف من المۏت لما بتيجي سيرته بخاف اكتر واكتر لاول مره في حياتي مكونش خاېفه لاول مره اتمني المۏت
لكن حاليا هخاف ليه معنديش حد اخاڤ عليه
أنا من الاساس مش هفرق في حياه حد كنت عايشه أو كنت مېته انا نكره في حياه الكل انا ولا حاجه بالنسبه لاي حد حتي آدم انا جزء بسيط من حياته كان مفقود وحاول يرجعه واللي انا متأكدة منه أنه رجعه أو لا مش هيأثر لانه عنده البديل عنده ابنه ومراته وعيلته اللي بتحبه لكن انا !
وقفت في نص المكان وانا بفتكر كل لحظه مرت عليا من وانا صغيره بفتكر كل لحظه حزن عيشتها بفتكر ضحكتي اللي مكانتش بتخرج غير نادرا بفتكر دموعي اللي كانت ملازماني في كل وقت وفي كل موقف بيمر عليا بفتكر اني كنت عايشه في كابوس ولازم انتهي منه لازم انتهي من كل حاجه اكيد ربنا هيسامحني هو اكتر واحد شايفني وعارف انا حاسه بأيه اكيد هيسامحني لو اڼتحرت
قدر
لفيت لمصدر الصوت وانا شايفه آدم بيجري عليا بأقصي سرعه
الخۏف كان باين علي ملامحه وهو بينادي بأسمي
وقبل ما انطق اي حرف كان بيشدني وهو بيتنفس براحه
ابعد عني انت عايز مني ايه
زقيته بأقصي قوي عندي وانا ببعد خطوه لورا وهو واقف مش قادر يستوعب رد فعلي الغير متوقع بالمره
في ايه ياقدر مالك
مالي لا
مفيش
انا كويسه اوي حتي شوف الانبساط اللي علي وشي انا كويسه جدا
اياك اياااك تقرب مني
قدر في ايه انا مش فاهم حاجه
في ايه !
كل ده مش عارف في ايه مش فاكر انك سبتني وانت بتقول ابني طلعت متجوز وعندك ابن وبتكذب عليا كل ده مش فاهم في ايه طلقني
قدر اسمعيني
مش هسمعك انا مش عايزه اسمع منك حاجه مش عايزه اعرفك تاني طلقنييي
حط أيده في جيبه ببرود كعادته وهو بيبصلي وبيقول ببرود اعصاب
مفيش طلاق
يبقي هخلعك
مش هتكسبي القضيه
انا بكرهك مش عايزاك هو بالعافيه
اسمعي الاول وبعدين قرري ياقدر
مش عايزه اسمع حاجه كفايه اوي اللي سمعته
مش عايزه اسمع حاجه مش عايزه حد معايا انا عايزه اكون لوحدي
سيبني في حالي بقي يا اخي
قدر مؤمن مش ابني مؤمن ابن اخويا الله يرحمه
اخوه وقف عقلي لثواني وانا بحاول استوعب كلامه
لوهله حسيت نفسي في فيلم او في روايه أحداثها غريبه مش متوقعه محيره بس ياتري هتكون ايه نهايتي هتكون بسعاده ولا بمۏت !!
اتنهد آدم وهو بيكمل كلامه بحزن
ايهاب انتي عارفاه طبعا هو اه كان اصغر منك ومني بس هو اتجوز قبلي واحده زميلته شافها في الكليه وحبها واتجوزها بالرغم
من الحاح ماما وبابا عليا اني اتجوز
انا كمان بس انا كنت رافض لاني كنت عاهد نفسي اني مش هتجوز غيرك مرات ايهاب حملت بعد سنه من جوازهم حملها كان صعب اوي
