عهد الاسود البارت الرابع

الي مصحيك لحد دلوقتي
اسد ابتسم بسخريه وقال..هات مفتاح لاي اوضه..يعني الغلبانه الي طلعتها دي علشان تفضي السرير هتنام في الشارع
ضرغام قال باستغراب عهد...هيه جاتلك
اسد قال..اه جاتاي هتروح فين معرفتش تفتح غير اوضتي
ضرغام قال..طب تمام يلا حلال عليك مدام مرتاحه معاك خليهالك..يمكن تتفك عقدتها يلا روح... ولسه هيقغل الباب

اسد حط ايده بيمنعه وقال..هو ايه الي خلهالك.. هيه علبة تونه ..هات مفتاح بقولك
ضرغام دخل بزهق وجاب له مفتاح وقال..اهوه المفتاح حل عني بقى
اسد اخد المفتاح بفرحه وقال..دلوقتي عيش براحتك الساحه ساحتك.... ورجع لعهد بسرعه
عهد كانت قاعده بتوتر شديد لحد ما جيه اسد وقال..جبتلك المفتاح
عهد قالت بفرحه..الحمد لله
اسد قال ...يلا بينا تعالي معايا ... اخدها وفتح لها الباب وډخلها وقال ...ها ايه رايك عفكره الاوض دي بتتنضف كل يوم يعني نضيفه متقلقيش
عهد ابتسمت وقالت..شكرا يا اسد بيه والله انت طيب جدا مش زي الغول التاني
اسد ضحك وقال...انتي الي مفيش اطيب منك يا عهد 
وبص في عيونها الي بيجمدوه مكانو كل ما يبص فيهم بس فاق لنفسه بسرعه وقال..احم ..طيب اسيبك ترتاحي... ولسه هيطلع
عهد قالت صحيح سلامتك ...انت عامل حاډث
اسد ضحك بخفه وقال...اه...قصدك وشي يعني..اه حاډث بسيط...الله يسلمك
عهد ابتسمت واسد كان حابب يفضل معاها اطول وقت بس قال..احم تصبحي علي خير
عهد قالت بابتسامه ...وانت من اهل الخير
اسد مشي... وعهد نامت على السرير بحزن وهيه مش عارفه هتفضل هنا لامتي
في صباح يوم جديد وبعد الفجر على طول كان اسد وضرغام مستنيين اسامه في مكان مقطوع على البحر متنرفزين جدا لانو اتأخر وقاصد يخليهم يستنوه
بعد شويه وصل اسامه وسط رجالتو وبصلهم بسخريه وقال..اهلا بالغوالي..اتأخرت عليكم ولا ايه
اسد كان متغاظ ولسه هيرد ضرغام قاطعو وقال...لا لسه واصلين حالا ...المهم كلمت الدمراوي
اسامه قال...اممم زمانه على وصول ووقفو سوا شويه وكانو بيتأكدو ان المكان امان من كل الجهات
بقلم زهرة الربيع
بعد شويه وصلت عربيات كتير ونزلو منها رجاله مسلحين وفي وسطهم راجل في الخمسين بلبس غالي جدا وقال..اهلا باولاد الثابت..الحاجه جاهزه
اسامه قال..جاهزه..فلوسك معاك
الدمراوي مد عليهم شنطه كلها دولارات وهما سالموهم شنطه فيها سلاح 
رجاله ضرغام واسامه كانو بيراجعو على الفلوس ويتاكدو انهم مش مزورين
واول ما ادولهم التمام كانو رجاله الدمراوي اكدو على السلاح الي استلموه منهم وكل واحد طلع بعربيتو
اسامه بص لضرغام واسد وقال...كده اوكي يا شباب..ده نصيبكم زي ما تفقنا وادالهم الفلوس
ضرغام ابتسم بسخريه وقال...غريبه....كده من غير حركاتك الي متعود عليها ..لا كده اقلق عليك
اسامه ضحك وقال ..عيب يا ابن ابويا احنا متفقين..حد الله بيني وبين الحړام
اسد قال بسخريه....فعلا..على ايدي
ضرغام ضحك وقال... يلا يا اسد وطلعو بعربيتهم
اسامه اتصل بشخص وقالل...طلعو..انت جاهز مش كده..مش عايز غلطات... وقفل معاه وابتسم بخبث
عند عهد اول ما اتأكدت ان ضرغام مشي من الفيلا قامت وصلت فرضها
 و راحت لبست قميص من عند اسد فوق هدومها علشان هدومها متقطعه ومتبهدله 
ونزلت على المواسير من البلكون ونزلتها في الناحيه التانيه من الجنينه ولسه هتجري شافوها اتنين من الحراث
واحد منهم قال...الحق يالا العصفوره دي
التاني قال..دي ماشيه يبقى ضرغام باشا اخد غرضه منها ومشاها زي غيرها
الاول قال...طب مدام مش عايزها احنا ولى بيها...دي متتسابش..واتقدمو عليها
عهد كانت مش شيفاهم وبتحاول تشوف مكان تهرب منو وحست ان فيه حد وراها بتبص لقتهم في وشها لسه هتصرخ واحد حط ايده على بقها ووشالها بسهوله والتاني فتحلو باب اوضه في الجنينه ودخلو بيها ووووو