ابنتي فين لكاتبتها مارينا عطية

الأرض.
_ روانأنا..
أسكتي أسكتي أنت كنت هتضيعي نفسك! أنت فاهمة أنت فاهمة!
_ روان وطي صوتك الناس بتبص.
ملكيش دعوة بالناس الناس أخرتها تبص.
طب أفرض مكنش ده حصل كنت هتعملي أية أفرض معرفتيش تعملي كدة! أفرض
قطعتها في الكلام.
_ ربنا نجاني.
ربنا مقالش تتصرفي تصرفات غبية فاهمة!! فاهمة ولا مش فاهمة يا جميلة! وكمان من ورايا طب قوليلي خديني معاك! جميلة أنت
عيطت بحړقة.
_ خلاص أنا آسفة.
قامت من مكانها وطبطبت عليا عيطت معايا على عياطي كانت بتحضني أوي.
يا حبيبتي أنا آسفة بس..طب خلاص متعيطيش.
_ روان متزعليش مني.
يا جميلة أنت صاحبتي وعمري والله بحبك وخاېفة عليك علشان خاطري أسمعيني.

بصيت ليها وهزيت راسي.
قعدت جمبي وهي ماسكة إيدي..
أنا عارفة انك في حالة صعبة و عارفة ان أهلك مفيش توافق بينكم و عارفة أنك اتحطيتي في موقف صعب ومفكرتيش ولو كنت فكرتي لحظة مكنتيش عملت كدة وعارفة كل ده والله أنا بحبك وعارفاك كويس.
بس يا حبيبتي لو عاوزة حقك وعاوزة تجيبه بحق ويدافع عنك حد فهو مش هيكون أي حد يا جميلة كنت تقوليلي كنت هوعيك والله وهقولك.
مش اي حد يا حبيبتي كاتب كلمتين على الفيس يحسسك بيهم أنه شخص كويس وخدوم وهيساعدك محدش هيساعدك في الخفا يا جميلة محدش هيعمل حاجة خير ويقول لك أوعي تقولي لحد علشان أعرف اساعدك زي ما هو قال لك.
ومحدش هيطلب منك فلوس مقابل مساعدة ولا حد هيطلب منك تطلعي شقته علشان تديله الفلوس.
سكتت شوية وطبطبت على إيدي.
أسمعي يا جميلة كلامي ومټخافيش الموضوع منتشر قوي وناس كتيرة عارفة ده وعارفة أنه مبيكنش حقيقي وحتى ياستي نفرض أن في بنات تانية حصل فعلا الكلام ده وكان حقيقي ف في مؤسسات مخصوصة للبنات بيساعدوهم فيها و بيخلوا الاشخاص اللي عملوا كدة ميتعرضوش لهم تاني.
_ بجد!
أيوة صدقني.
_ زي مين!
هبعتلك كل الصفحات دي ولما تروحي تشوفيهم.
حضنتها.
_ يعني هيساعدوني!
وهيجبولك حقك كمان.
_ أنا بحبك.
ممكن لو بتحبيني بجد متعمليش حاجة من دماغك علشان خاطري!
أبتسمت لها وحضنتها.
قومي يلا ظبطي نفسك وهدومك.
بصيت للساعة.
_ دلوقتي مش هلاقي حد في البيت هرجع أروح علشان محدش يشوفني كدة.
دخلت الحمام أغسل وشي وإيدي وأظبط نفسي وهدومي روان أدتني الجاكت بتاعها علشان البسه علشان كانت بلوزتي فيها قطعات.
مسحت كل دموعي اللي نزلت مني وحاولت أبين أني تمام و بخير ومحصلش أي حاجة وحشة ليا!
باستني من خدي.
كدة قمر.
_ في حاجة باينه عليا
لا متقلقيش.
مسكت إيدي.
جميلة ممكن أتكلم معاك شوية!
سحبت شنطتي..
_ معلش يا روان سبيني الحق أروح دلوقتي علشان محدش يشوفني كدة.
إبتسمت ليا وقامت توصلني.
فضلت تتمشى معايا الطريق كله وهو على لسانها.
مش أي حد نأمن له
مش أي حد ممكن يساعدنا
ومش اي حد كاتب كلمتين على الفيس أحس بيهم أنه شخص محترم ف اقوم مكلماه وحكايه له كل حاجة!
مش أي حد يقول ليا كلمتين حلوين هجري وراه لأنه ممكن يأذني
صاحب الحق صوته عالي وقوي مبيخفش!
حفظتني كل الكلام ده وفهمتهوني.
جالها مكالمة تليفون وأضطرت أنها تستأذن وتمشي وتسبني قبل ما أوصل بشوية.
كنت بتمشى لوحدي وأنا خاېفة! بس لا.
أقدر أقول لنفسي دلوقتي أني قوية أنا مش ضعيفة..أنا عملت حاجة صعبة محدش يقدر يعملها.
كنت بردد جملة من كلامها صاحب الحق صوته عالي وقوي مبيخفش
خلاص يا جميلة عرفت.
أنه صاحب الحق صوته عالي ومبيخفش!
طالما على حق هجيب حقي.
طالما على حق مينفعش أخاف.
مينفعش حد يستغلاني ويخليني ضعيفة.
أنا قوية!
طلعت الهاند فيري من شنطتي.
حطيتها علشان أسمع أغنيتي.
بس لحظي الۏحش مشتغلتش
دخلت عند السيبر اللي جمب بيتنا علشان أشتري واحدة
يا داي النور يا داي الهنا
أبتسمت له.
_ عاوزة هاند فيري يا سعيد.
أمرك يا ست هانم
سابني واقفة شوية كنت ببص على موبايل جديد شكله كان حلو بصيت ليه وأتمنيت اغير تليفوني اللي بيبوظ كل شوية وبطاريته مبتقعدتش!
رجع بص ليا وأنا ببصله.
عجبك!
خضني وقطع تفكيري.
_ هو أية ده!
الموبايل يا ستهم لو عجبك يعني أجبهولك
سحبت منه الهاند فيري.
_ شكرا يا سعيد بكام دي
لقيته بېلمس إيدي فرجعتها لورا بسرعة وبصيت ليه وعلى وشي علامات أستفهام.
لو عجبك من غير فلوس خالص
رفعت حواجبي وبصيت ليه بإستغراب.
_ ومن غير فلوس لية
أنت متعرفيش أنت غالية عليا أزاي!
سكت ومردتش أرد.. على كلامه وغيرت الموضوع.
_ بكام دي يا سعيد ولا أمشي
يعني قصدي.
بص عليا ولقيته بيميل على التربيزة اللي قدامه وبيسند على دراعه.
لفهالي في كيس ومد إيده ليا وبعد مقال ليا السعر وهو بيبتسم وباصص ليا.
أخبار تليفونك أية يا ست البنات!
رديت بإستغراب.
_ تليفوني!
يعني لسة بيعلق لية التاتش تقيل ولا الإسكرينة باظت تاني احنا في الخدمة هاتيه بس لعيون سعيد وهو يصلحهولك تاني وتالت ورابع!
سحبت منه الكيس وإبتسمت بتكلف.
_ شكرا.
خرجت من باب المحل شغلت الهاند فيري لقيتها شغالة تمام فرجعت البيت ولحب ربنا ليا ووقفته جمبي ملقتش حد في البيت رميت كل حاجة في اوضتي ودخلت بسرعة تحت المياه.
كانت دموعي بتنزل معاها مكنتش عارفة أوقفها.
مسحت المرايا اللي جه عليها غبار من المياه السخنة.
ولسه الدموع في عنيا أتكلمت.
صاحب الحق مبيخفش صاحب الحق مبيخفش صاحب الحق صوته عالي
رجعت امسح دموعي تاني مش هتبقى الناس قاسېة عليا واهلي وانا!
أنا مينفعش أكون قاسېة عليا مينفعش أخدني وأكمل ضړب في قلبي اللي مش قادر يقوم وياخد نفسه.
لازم أكون حنينة عليه.
لابست هدومي ووقفت أشكر ربنا وأصليله
يارب أنت عارف يارب أني معملتش حاجة وحشة وماشية تحت الحيط رغم معاملة أهلي ليا أنت عارف أني بحبك وبخافك وبخاف أعمل حاجة غلط لتحاسبني أنت وحسابك انت صعب قوي لأنك بتدينا فرص كتيرة في الحياة وأحنا بنضيعها بس ده كتير قوي عليا كتير وأنا معدتش قادرة أستحمل أنا لغاية دلوقتي متماسكة ومفكرتش في الاڼتحار ومش عارفة أزاي مفكرتش فيه لغاية دلوقتي يمكن علشان روان بعتهالي تهون عليا..
بس يا رب لو حصل ومۏت نفسي تسامحني ومتخلنيش أعيش في ڼار على الأرض وفوق
حسيت وكأن في طيب خاطر بينزل على قلبي حسيت أني كنت محتاجة أعمل كدة من زمان.
كملت كلامي.
فتح عنيا يا رب وخليني أشوف كويس متخلنيش ضعيفة والناس تدوس عليا يارب اظهر ليا الشخص اللي كان بيحاول يأذيني وبعده عني وخليه ينساني خالص أنا مش حمل پهدلة قويني يارب ومتخلنيش اخاڤ من اي حاجة غيرك حتى أهلي قويني عليهم ومتخلنيش ضعيفة قصادهم! خليني أخد حقي باللي يرضيك
خلصت صلاة وقعدت على الكرسي أفكر فضلت سرحانة شوية لغاية ملقيت روان بترن.
وصلت
_ وصلت.
حاسة أن صوتك أحسن.
_ أيوة الحمدلله أنا بقيت كويسة.
حسيت بمسدج على الموبايل
_ أستني يا روان.
فتحتها لقيتها واتساب.
كانت من رقم غريب معرفهوش فتحتها لقيت ٣ صور ليا وتحتهم جملة أية رأيك لو وصلوا لأهلك شوفي ممكن يعملوا فيك أية
الصور مكنتش محملة بسبب النت بس عارفة خلفيتهم كويس.
حاولت احملهم لغاية ما حملوا!
دي صوري وأنا في البيت! دي صوري وأنا بلبس البيت ومنهم صورة اخدتها بعد ضړبة امي في