البريئة والقاسې كاملة جميع الفصول بقلم الكاتبة اسماعيل موسي

 

سادين بسرعه لطخت كل وشها بالألوان لحد ما بقى مش باين منه حاجه
لمت اللوحه وغطت بيها دماغها

رعد رفع الستاره وتلقى قلم رهيب على وشه

اه، صړخ رعد من الۏجع، سادين جريت على هدومها وبسرعه غطت جسمها

بتضربينى يا سادين؟

اخرج بره لو سمحت يا رعد...

رعد وهو بيبتسم حاضر هخرج يا سادين، انطبعت معالم جسم سادين فى عقله
نزل السلم وهو بيضحك، معقول تكون جذابه بالشكل ده؟
اترياها مخبيه جسمها، ياه وضحك رعد، الايام إلى جايه هتكون مختلفه جدا

______________

كان متوقف بعربيته اول ما سادين خرجت من الفيلا، سادين بتروح الشغل بسيارة أجره معندهاش عربيه

أنيقه جدا كانت سادين، تأملها فهد من بعيد، نفس طوله تقريبا
جسمها جذاب رغم كل الهدوم إلى مش مبينه منها حاجه
نفس طوله تقريبا، مشيتها، حركتها، تدل على ثقه كبيره
تحت الهدوم دى توجد أنثى حقيقيه، وقفت سادين سيارة أجره وركبت فيها، فهد طلع وراها، قبل ما توصل الشركه نزلت، اشترت ايس كريم ووقفت على كورنيش النيل تبص للنيل

النيل منظره جميل، قال فهد وهو بيقف جنبها وفى ايده ورده وايس كريم
التفتت سادين لقيت شخص غريب جنبها وكان واضح انه بيكملها لان مكنش فى حد جنبها
دايما پتكره سادين المتطفلين السذج إلى مش سايبين حد فى حاله

فهد! انتى رسامه! ؟
سادين تحركت بسرعه من غير ما ترد، خدت تاكسى وطلعت على الشغل
كنت منزعجه جدا وكلمه واحده بتدور فى عقلها انتى رسامه؟
ليه اختار الكلمه دى بالذات؟
القصه بقلم اسماعيل موسى 
________________

انت فشلت يا جعفر ودى مش عوايدك، شكلك كبرت وخرفت؟
يا شاهنده هانم انتى عارفه ان جعفر لم بيحط حاجه فى دماغه بيخلصها واظن انتى لسه فاكره انا عملت ايه عشانك؟

شاهنده انهت المكالمه والذكريات بدأت تتدافع على عقلها، شافت نفسها شابه فى عمر ال ٢٨، بنت جميله شابه متجوزه راجل غنى اختارها رغم معارضة اهله
لكن مر ٥ سنين جواز وشاهنده مخلفتش، ضرغام والد جوزها وأخوه بيزنو عليه يتجوز عليها

اكرم جوزها بيحبها هى عارفه كده لكن لازم تجيبله حتت عيل تقطع بيه لسانهم
لفت على دكاتره كتير، الحمل متأخر من غير سبب
ليالى طويله كانت بتفكر وتنتظر اكرم يجوز عليها ودى حاجه مكنتش هتستحملها
مرت سنه كمان وحياتها بقت چحيم، اكرم بيتغير ناحيتها ومش قادره تعمل حاجه
حاولت تتقرب من اخو جوزها والد سادين، فى الاول كانت عايزاه سند ليها وكمان تأمن مكره
لكنه رفض قربها رغم توددها ليله، شاهنده حبته لدرجة انها عرضت نفسها عليه

شاهنده متحملتش فكرة ان شخص يرفضها، هى اكبر من ان تترفض
وكمان فى احتماليه ان اخو جوزها والد سادين ېفضحها ويقول لجوزها اكرم عن إلى حصل ما بينهم

مستنش كتير، دبرت موقف واتهمت فيه والد سادين التحرش بيها
عملت قطيعه بين الأخين ودى كانت بداية انتقامها
قطيعه دامت سنين فضل فيها والد سادين مدان اخلاقيآ پتهمة التحرش بمراة اخوه، الناس كلها احتقرته، والده ضرغام اقسم انه ميدخلش بيته فى أثناء حياته وانه ملهش ورث عنده
لكن شاهنده محملتش برضه، عملت زوبعه، خلقت مشكله خلت الناس تنسى موضوع حملها

لكن بعد كده الكلام  رجع تانى، وفكرت شاهنده لازم اخرص الألسنه دى مدى الحياه، لازم انجب طفل باى طريقه

وحملت شاهنده فجأه بعد سنين من الصيام، وأكرم جوزها كان طاير من الفرحه، واحد بس مكنش مصدق الحمل إلى جه فجأه كده والد سادين

ولأن كان فيه مشاكل بينه وبين اخوه بعد نفسه عن الموضوع خالص لحد ما الصدفه حطت قدامه إلى مقدرش يسكت عنه

____________

سرحانه فى ايه يا ماما؟

كان رعد لسه نازل من غرفة رعد وعنيه مليانه فرحه
كنت فين يا رعد؟

كنت فى غرفة سادين يا ماما!

شاهنده وعنيها مبرقه،غرفة سادين؟

ايوه مش مراتى ولا ايه؟

شاهنده بمكر لكن انت قولتلى ان فيه بينكم اتفاق؟
الكلام دا يا ماما لما اعمل حاجه ڠصب، لكن هى سمحتلى ادخل غرفتها

شفتها؟
رعد بتفكير، شفتها ومشفتهاش، وشها كان مليان الوان

وعملت ايه؟ سألته شاهنده وهى بتسايره

ما عملتش حاجه، سبتها ومشيت

انت فرحان كده ليه يا رعد! ؟
أصلها جميله اوى يا ماما

رعد انت لازم تطلق سادين، انت خدت فلوسك وملوش لازمه تقعد هنا تانى
عايزين نجوزك تلا

رعد، مش هينفع يا ماما
شاهنده ليه؟

تلا هتتخطب لفهد انا اتفقت معاه على كده

شاهنده پغضب اتفقت على ايه؟ اتفقت تسيبله بنت معاذ الشمرى؟
نسبك مع معاذ اهم من الفلوس
دا هيفتحلك أبواب النعيم

لكن انا  اديته كلمة راجل يا ماما، فهد إدانى ٢٠ مليون جنيه من غير ضمانات مش معقول هخونه

انا الى افكر يا رعد وانت تنفذ، ملكش دعوه بفهد انا هتصرف معاه
انت لازم تخطب الا  من والدها فى أقرب فرصه ودا مش هيحصل غير لما تطلق سادين

مش هقدر اخون فهد يا ماما، شخض ادانى فلوسه من غير ضمان مقدرش اخونه

انت بتعارضنى يا رعد؟

مش بعارضك يا ماما لكن دى الأصول انا اسف

انت سايبنى ورايح فين؟ صړخت شاهنده لما رعد مشى بعيد عنها

رعد رايح الشغل، فيه حجات متأخره لازم اخلصها

شاهنده بزعيق، غور فى داهيه مع السلامه

______________

انا راقبت سادين زى ما طلبت منى يا فهد، البنت دى غريبه، مش زى شاهنده خالص
بحس انها لا يمكن تكون واحده من العيله دى؟
البنت مش بترفع عينها من على الأرض، من الشغل للبيت ومن البيت للشغل

كلهم بيعملو كده يا اسامه، انا عايزك تفضل تراقبها من بعيد هى وشاهنده

انت عارف ان شاهنده بعتت ناس ټقتلنى امبارح؟
اسامه لا معرفش، ازاى دا حصل؟