المتورطة من الأول الى الثامن بقلم شروق مصطفى

لها الكلام 
انا مش شايف حد من اهلها جا يعني محدش بلغهم باللي حصل و لا ايه
مي بحزن للأسف ملهمش حد غير ربنا دلوقتي لها عم لكن مقاطعين بعض وخالة بس مهاجرة من سنين طويلة.
كاد أن يتكلم عاصم لكن قطع باقي حواره دخول بعض الجيران لتأدية العزاء ما أن علموا بهذا الخبر المفجع.
كانت تتوسط البساتين والورود بكل مكان وما يشتهي الأنفس و أشجار مليئة بالفواكة المختلف أنواعها والوانها ذو مذاق رائع و الأطفال يمرحون جانب المياه العذبة رأت شاب يشع وجهه نورا وجانبه فتاة أقل ما يقال عنها جمال ملائكي لما لا و هي حورية الجنه بفستانها الأبيض الواسع وأبتسامتها الودودة و يمرحون ويلهون مع الأطفال ثم توقفوا عن اللهو و التفتوا للخلف باسطين ذراعتهم لها 
الشاب بأبتسامة صافيه 
سيلا تعالي وحشتيني.
تقدمت سيلا لهم تتلمس وجنتاه غير مصدقه ما تراه نطقت ب بابا انت بجد.
قالتها باندهاش من صغر سنه فهو شاب مثلها.
ردت الفتاة التي معه ابتسامتها الجميله الهادئة سيلا حبيبت ماما تعالي في حضڼي..
قامت بأحضانهم سويا و بكل حنان ربتت علي وجنتيها توصيها
هنفضل حواليكي في كل مكان بس
اسمعي له يا سيلا أسمعي له ماتنسيش
أفلتوها وأختفوا من أمامها رويدا رويدا 
أسمع لمين طيب رايحين فين لأ لأ ماتسبونيش لوحدي خليكوا معايا شويه محتجاكم اوي ملحقتش اشبع منكم تعالوا. 
ركضت خلفهم تصيح 
طيب خدوني معاكم عايزه أعيش وسطكم.
ظلت تنادي عليهم كي لا يبتعدوا أنا جاية معاكم أستنوني
بح صوتها أثر منادتها عليهم ما تسبونيش....
صدى صوتهم كانت تسمعه بكلمة
أسمعي له
اخذت تنادي وتتساقط أرضا ثم تنهض وتركض خلفهما توقفت فجاءة حين أدركت وقتها انها بالفعل وحيدة انتفضت من نومتها تفتح جفنيها المنتفخة من اثار البكاء التفتت ترى اين هي تذكرة كل ما فات وأنها خرجت معهم ورجعت بدونهما تفكر
جلست تضم ركبتيها ډافنة رأسها بين ذراعيها تحضن نفسها هامسة بۏجع وحزن
كده تسبوني لوحدي أعمل أنا أيه دلوقتي من غيركم اقضى حياتى

________________________________________
وحيده أزاى.
اخذت تفكر فى ما ألت اليه حياتها وكيف اصبحت الأن وحيده تعانى مراره الفقدان ثم أجهشت بالبكاء مرة أخرى لتتفاجئ بيد تربت عليها بود وحنان رفعت أنظارها تتلهف أن يكون ذلك حلم لتجدها رفيقة دربها التي دخلت منذ قليل داخل الغرفة ولم تشعر بها جلست مي جانبها تجذبها بين أحضانها بقوة وأخذت تربت على كتفيها تواسيها قليلا قائله بحزن شديد وعينان يملؤهم الحزن
لازم تقوي نفسك كلنا حواليكي مش هنسيبك لوحدك قلبي معاكي.
كانت الاخرى بعالم آخر تسمعها ولكن لم يعد لديها طاقة بعد ظلت تهز رأسها بنفي يمينا يسارا لن تقبل هزيمة صديقتها وكسرها
مفيش حاجه اسمها لأ انتي مش لوحدك أنا جنبك مش أحنا زي الأخوات صح وأم 
أبتلعت ريقها فبأي حديث هذا الوقت يحاك فليس هناك مثل الأم
أخذت نفس طويل وأخرجته ثم هتفت 
حبيبتي مقولتلكيش متزعليش طبعا مفيش اغلى منهم وأحنا كلنا زعلانين و مقهورين كمان كانت مفاجأة صعبة عالكل بس لازم نكمل حياتنا مش هتقف دي أرادة ربنا الناس مكملة طريقها وهي جواها حزن على فقدان أي عزيز وغالي هناك مۏت وهناك خلق جديد مولود جديد للحياة
وأنتي ربنا أختارك عارفة ليه عشان يشوفك هتصبري على الأبتلاء دا و
لم تكن معها ولم تستمع لأي كلمة وثرثرة تركتها نهضت تمشي بأليا متوجها نحو التسريحة كانت شاردة بعالم أخر متذكرة يوما مع والدتها وهي تسرح شعرها القصير وابتسامتها المحببة لقلبها بعد ان دخلت وأمسكت منها الفرشاة تمشط شعرها
انا بحب أسرح شعرك أوي فاكرة وأنتي صغيرة كان شعرك طويل ومتعرفيش تسرحيه وتتخانقي معايا لحد ما كبرتي ودايما تقصيه مش بتحبيه يكون طويل وانا حبيته قصير برده بيخليكي كأنك لسه طفلة عارفة أنا نفسي ألبسك طرحة فرحك وفستانك الأبيض بأيدي يااه أمتى يجي اليوم ده
أبتسمت و لم ترد خجلا فضحكت الأم 
الله على الطماطم اللي على الصبح و أمسكت وجنتيها و قبلتها يلا يا هانم تعالي حضري الفطار معايا بابا مستنينا بره
تركتها وخرجت تبتسم لمداعبتها وأخذت تنظر أمام مرآتها ودموعها لم تتوقف رجعت لواقعها على تمشيط شعرها.
تركتها سيلا تمشط تبتسم بۏجع هتفت مي لها 
مش عيب اننا نحزن لو كان البكا هيرجعهم كنا ملينا الدنيا بكا بس أنتي كدة هتعزبيهم وبس قوي أيمانك وأدعي لهم يا حبيبتي أنا حاسة بيكي جدا لأني مجربة شعور الفقدان الأب وأن الدنيا دي تبقا ضيقة في عنيك بين يوم وليلة تلاقي حد أختفا فجأة بدون أنذار أو حتى تحضنيه وتشبعي منه بس في الأخر نقول الحمدلله وإن لله وإن اليه راجعون اعملي لهم صدقة جارية وهبي لهم قرآه القرآن واقري لهم الفاتحة هتوصل لهم وفوقي يا سيلا عشان ماتزعلهمش منك
وجدتها شاردة دمعاتها عالقة بين جفونها فأمسكت يدها تحثها على السير معها يلا يا سيلا تعالي نقعد بره شوية مش هسيبك تقعدي هنا