بعض احداث القصة حقيقية وتمت للواقع بكل صله

بعض احداث القصة حقيقية وتمت للواقع بكل صله .. الاسماء مستعارة ولكن بعض الاشخاص حقيقه..
الاسم فريده ..السن .. 50 سنه القصة من اكتر من 25 سنه
بدات قصتى اما ابتديت شغل كنت ممرضة فى مستشفى يومى كان عادى زى اى ممرضه .. معظم وقتى كنت فى المستشفى .. ساعات كتير كنت لازم ابات فى المستشفى .. عشان ضغط الشغل اللى علينا .. المبنى بتاعنا كان فى ضهر المستشفى وقدامه فضا كتير

لحد ما جه اليوم الموعود اللى قلب حياتى چحيم ...
كنت نايمة .. وزميلتى تهانى عالسرير اللى قصادى..
معرفش مالى حاسه انى اول مرة ابات فى المستشفى وكنت خاېفه مش عارفه من ايه..
حسيت بصوت رجلين كتير بتجرى فى الطرقة .. زى ما يكون اطفال بيلعبوا وكان ضحكتهم غريبه ومرعبه اوى ..
انا كنت متسمرة فى مكانى مش قادرة حتى اقوم اصحى تهانى او انام جمبها حتى ...
فضلت سهرانة طول الليل وعينى ما جالهاش حتى جرئة تبص ناحية الباب ...
استجمعت شجاعتى وقعدت انادى على تهانى بصوت واطى خاېفه ليسمعوا انا معرفش مين دول ولا ايه بالظبط ..
تهانى ... تهاااانى ...
ولكنها ما ردتش زى المتخدرة ..
عدى اليوم والشمس طلعت صحيت من نومها بتبصلى وبتقولى مالك يا بنتى .. ماردتش..
فين وفين اما استوعبت انها بتكلمنى .. قولتلها كل اللى حصل لحد ما صحيت .. ضحكت ضحكة ممزوجة بقلق لاحظته على وشها وقالت انتى اكيد كنتى بتحلمى ..
قولتلها لا ماكنتش بحلم .. لقيتها سكتت وبصت فى الارض .. قولتلها فى ايه يا تهانى .. قالتلى ماتخديش فى بالك الواحد ساعات بيتهياله حاجات اكيد دة من ضغط الشغل ..
قضينا اليوم عادى لكن كان فى حاجة غريبه حصلت ..
طول ما انا شغاله حاسة ان فى حد بيراقبنى .. خطوات ماشية ورايا..
دخلت الحمام اغسل وشى .. سمعت زن الباب بيتحرك .. خاېفة ابص اشوف مين .. فكرت ارفع راسى وابص فى المراية 
وبصيت .....
لقيت طفله شايله عروسه وملهاش ملامح وعينها بتنزل كانها بټعيط .. بصيت ورايا بسرعه مالقتهاش ..
ببص قدامى لقيتها مكان المرايه وبتصرخ فى وشى وقعت عالارض وصړخت لقيت زمايلى كلهم جم بسرعه .. وبيقولولى مالك يابنتى .. وانا كنت تقريبا فقدت النطق .. وتهانى بتبصلى وبتحرك وشها كانها بتقولى حصل ايه ..
قعدنا نبص لبعض .. لحد ما تهانى قالت شيلوها يا جماعه نطلعها بره ..
ودونى الاوضه بتاعتنا .. قعدت تهانى جمبى .. وبتقولى مالك .. قولت مافيش انا اتزحلقت بس ..
قالتلى طيب نامى وارتاحى دلوقت انتى شكلك ما نمتيش من امبارح ..
نمت وصحيت الساعة 12 00 تقريبا لقيت الدنيا هادية وتهانى نايمة جمبى اليوم ده كان شتا وكان فى مطرة وعواصف كتير..
قمت عشان اقفل الشباك لكن قبل ما انزل
من عالسرير