قصة حصري صاحبتي عزمتنى على فرحها

صاحبتي عزمتنى على فرحها في محافظه تانيه انا عمري في حياتي ما رحتها قبل كده قالت لي ان هتستناني على المحطه وهتاخدني البيت وهقعد معاها قبل الفرح بيوم وهمشي بعد الفرح بيوم برده حاولت اقنع والدي لكن في الاول رفض بعد كده وبعد محاولات كثير قرر انه موافق اتكلم مع حد كبير في عيلتها وتاكد اني هروح انا واثنين واصحابي البنات مش هكون موجوده لوحدي وطبعا لانه عارف صاحبتي من زمان وافق اخيرا انا كنت مبسوطه قوي انى هحضر فرح صاحبتي واخيرا جه اليوم اللي احنا هنروح فيه كانوا هيستنونا في المحطه واول ما وصلنا في المحطه كانت صاحبتي مستنيانا وكان ساعتها الدنيا ليل شويه يعني بعد المغرب كده راحت علشان تشتري حاجه علشان ناكلها لان كلنا كنا جعانين جدا ورجعت بعدها بسرعه وقالت يلا علشان نروح البيت وفعلا روحنا البيت كانت اجواء البيت كلها فرح واغاني وطبل وحاجات حلوه كثير وقضينا اليوم وبعدين روحنا الفرح وفضلنا مستنيين علشان نروح بعد ما كل الناس روحت من القاعه وما فيش اي حد موجود غيرنا انا وصاحباتي الاثنين بس وفضلنا قدام القاعه لحد الساعه 2:00 بالليل لحد ما قررنا ان احنا نرن عليها ونشوف ايه في بالضبط لكن ما كانش ينفع بعد ما قلنا ان هي دلوقتي عروسه وما ينفعش حد يرن عليها في الوقت ده فاكيد اهلها نسيونا كنا مرعوبين لان ما كناش نعرف حد في البلد ما كناش حافظين الطريق ومكانشى ينفع نرن على حد من اهلنا علشان منخضهمش فرنينا على اخت صاحبتنا وقالت لي انتو كنت فين من امبارح اختي كانت بتدور عليكم في المحطه لما راحت تشتري شويه حاجات من السوبر ماركت رجعت ما لقيتكمش فضلنا ندور عليكم لحد قررنا ان احنا نبلغ البوليس حتى الفرح ما كملش اختي دلوقتي پتبكي وكلنا حوالينها حتى باباكم ومامتكم عندنا هنا في البلد انتم فين وكنتوا بتعملوا ايه كل ده ليكم اكثر من يومين صدقوني لو قلت لكم ان انا ما كنتش عارفه اعمل اي حاجه كان جسمي ثابت حاولت امسك اعصابي واشرح لها المكان اللي انا واقفه جنبه بالظبط وبالفعل قوم واخذونا ورحنا البيت كان المنظر غريب كان كل الناس موجودين في البيت اهلنا واهل اصحابي اللي كانوا معايا وصاحبتي اللي المفروض انها كانت العروسه اللي طول الوقت پتبكي علينا وما عارفينش احنا فين و بلغوا عنا الشرطه كمان كان الموضوع مريب وغريب ولما قلنا لهم ان احنا رحنا فرحك يا بنتي وحضرناه وانت كنت مبسوطه وسلمنا على اهلك وشوفنا البيت ده والشقه دي وشرحت لها كل مكان انا فاكراها في شقتها لحد ما اتخضوا وقالوا لي ان عمري ما جيت هنا وايه الكلام ده امال احنا الثلاثه لو ما كناش عندها طول اليومين اللي عدى دول امال كنا فين كنا نايمين عند مين واحضرنا فرح مين ومين الناس اللي كانوا معانا طول الوقت دول