رواية جديدة كاملة الاجزاء

واخيرا حققت امنية حياتي وجينا اسكندريا ياااه
نور اعقلي يماما وخلينا ندور علي سكن قبل ما الليل يليل
عارفة يافاطمة انا مستعدة اعيش عمري كله ع البحر كده
بحبه عارفة لو هشحت كده بحبه برضه
ياه علي خف الډم بس والله انا مستفرية ان اهلينا وافقوا بالتنسيق انه حدفنا هنا
احلي حدفة والله
انا نور ودي الهبلة فاطمة صحبة قلبي وطفولتي وكل حاجة حلوة المهم خلصنا ثانوي ونسقنا والتنسيق جابنا زراعة اسكندرية والنهاردة جينا نقدم ونختار سكن

ضحي تالي كده متمشيش علي الحرف لحسن تق......ضحاااااا
الحقوني ياناااس صحبتي بټغرق ياالناس حد يلحقنا
فجأة لقيت نفسي في الميا وانا مش بعرف اعوم كنت حاسة ان كل محاولتي بتفشل في النجاة حاولت كتير ارفع نفسي لفوق بس مكنتش بقدر لغاية ما فقدت كل قدرتي ونفسي اتكتم خالص وحسيت روحي بتطلع مني
مش عارفة عدي وقت اد اي بس لقيت ايد بتشدني مكنتش الملامح واضحة بس لقيتني بين ادين حد وسابني علي الشط
فضلت اكح جامد ولقيت فاطمة  وبعيط اوي
كحكح خلاص ياعم مش ھموت دلوقتي صلي ع النبي كده
انا كنت ھموت عليكي يانور حرام عليكي قلتلك امشي كويس
يلا الحمد لله لسه في العمر بقية
بس هو مين الي طلعني
فضلت اصړخ بس محدش كان قريب يسمعني وفجأة لقيت الراجل ده نط وجابك
شاورتلي علي واحد كان ماسك حجات الصيد تقريبا صياد
دقنه كان كبير وشعره كمان ملامحه شبه مش باينة تحس مغطيها الحزن اوي رغم ملامحه الهادية بس تحسه مليان ڠضب
هاي انت فين يماما
هااا اديني اهو
لقينا راجل كبير في السن شوية جايبلي حاجة سخنة
خودي يابنتي اشربي اليانسون ده عشان يدفيكي
شكرا ياعمو تسلم ايدك
معلش ياعمو متعرفش مكان لسكن طلبة
والله يابنتي انتوا جايين في وقت الدراسة ولاسف صعب تلاقوا مكان فاضي
حتي اي سكن مؤقت لفاية بس الترم ده
والله يابنتي معارف اقولك اي بس هو مفيش غير......
غير اي ياعمو قول
مفيش غير اوضة في العمارة الي قصادك دي بس ساكن ف الاوضة الي جنبها ادم
ادم مين لا لو عشان شباب وكده يعني متقلقش ياحج احنا عارفين حدود ربنا كويس وطالعين من بيوتنا متربين
يابنتي والله مش القصد بس الاوضة دي محدش بيرضي يسكنها الكل بېخاف يسكن فيها بسببه
طب هو مين ده يعني الي ناس بتهاف منه اوي كده
الراجل الي طلعك من الميا......
بس بس يابنتي مفيش غير اوضة واحدة بس هي الي فاضية فوق السطوح وساكن قصادها ااا ادم
عشان كده مفيش حد راضي يسكن الاوضة حتي الشباب العمارة كلها سكنت الا الاوضة دي
هو ادم ده قتال قتلي ياحج ولا اي
لا يابنتي ادم ده الي طلعك من الميا
انا استغربت اوي لي شخص كويس رمي نفسه في الميا عشان ينقذ روح الناس پتخاف منه كده
طب يعني ياحج هي لي الناس پتخاف منه كده
والله يابنتي محدش يعرف عنه حاجة كل الي نعرفه عنه انه خواجة واسمه ادم لقيناه من ٦شهور مرمي هنا علي الشط وكان متبهدل وهدومه مقطعة وكان الباسبور بتاعه جنبه مكتوب جنيستهامريكي واسمه ادم ومن وقو ما لقيناه متكلمش ولا كلمة بس صعب عليا وقتها وشغلته معايا بقي يصحي من الفجر ينزل زي ما انت شيفاه كده يجهز عدة الصيد ويطلع يصطاد
انا كنت بسمع كلام الراجل وانا حزينة اوي عليه وفي نفس الوقت عني فضول اعرف ماله
طب يعني الناس پتخاف منه لي او لي مش راضين يسكنوا قصاده
والله يابنتي الكلام كتير ناس تقولك بنسمع صوت حد بيبكي في اوضته بليل وناس تقولك بنسمعه بيتكلم مع حد وهو اصلا مش بيتكلم واهو الحال علي كده ومحدش راضي يسكن الي يقولك مچنون والي يقولك عامل مصېبة وهربان هنا ومحدش يعرف اي الصح من الغلط
تمم يا حج توكلنا علي الله انا هأجر الاوضة
نور انت في وعيك لا طبعا يا حج مش هنأجرها
لا يا فاطمة مقدمناش حل غير كده وبصراحة مش قادرة الف تاني واديكي سمعتي الراجل اننا مش هنلاقي مكان فاضي
نور بس...
مبسش خلاص ياعمو احنا هناخدها
متأكدين يابنتي
اه ياعمو متأكدين
هه امري لله هروح اكلم صاحب العمارة
مشي صاحب العمارة وفضلنا قاعدين احنا الاتنين علي الشاط وڠصب عني عيوني كانوا متابعينه كان شكله هالكه الحزن مش عارفة لي قلبي وعقلي